MNP ၊ မေ ၅
မွန်ပြည်နယ်၊ သထုံမြို့ နယ်၊ ဒုံဝန်းကျေးရွာ အသောကရာမကျောင်းတိုက်အတွင်း အလှူရှင်မိသားတစ်စုတို့က သံဃိကအဖြစ်ရည်စူး လှူဒါန်းထားသည့် ပုဗ္ဗာရာမသံဃိကစံကျောင်းဆောင် ကျောင်းလွတ်ပူဇော်ပွဲကို ယနေ့၊ မေလ ၅ ရက် နံနက်ပိုင်းက အဆိုပါကျောင်းတိုက်၌ ပြုလုပ်ခဲ့သည်။
ကျောင်းလွတ်ပူဇော်ပွဲတွင် ပင့်ဖိတ်ထားသော ဆရာတော်၊ သံဃာတော်အရှင်သူမြတ်များအား အာရုံဆွမ်းနှင့် လှူဖွယ်ဝတ္ထုများ ဆက်ကပ်လှုဒါန်းကြပြီး အလှူရှင်မိသားစုဝင်များနှင့်အတူ ကြွရောက်လာကြသော ဧည့်ပရိသတ်များက အနုမောဒနာရေစက်ချတရားနာယူကာ ကုသိုလ်ကောင်းမှုအစုစုတို့အတွက် အမျှတန်းပေးဝေ သာဓုခေါ်ဆိုခဲ့သည်။
သထုံမြို့နယ်၊ ဒုံဝန်းကျေးရွာ အသောကရာမကျောင်းတိုက်အတွင်း ပုဗ္ဗာရာမသံဃိကစံကျောင်းဆောင်အား သထုံမြို့နေ မိခင်ကြီးဒေါ်လှမြင့် ၏ ၇၀ နှစ်ပြည့် မွေးနေ့ကောင်းမှုအလှူအဖြစ် (ဦးရွှေအုပ်)နှင့် ဒေါ်လှမြင့် မိသားစု သားသမီးများက ဇာတိချက်ကြွေ မွေးရပ်မြေ၌ သံဃိကမြောက် လာရောက်လှူ ဒါန်းခဲ့ခြင်းဖြစ်သည်။
အဆိုပါ ပုဗ္ဗာရာမသံဃိကစံကျောင်းဆောင်သည် အလျား ၃၀ ပေ၊ အနံ ၂၀ ပေ အာရ်စီ တစ်ထပ်အဆောက်အဦးဖြစ်ပြီး ငွေကျပ် သိန်းပေါင်း ၄၀၀ ကျော် ကုန်ကျခဲ့ကြောင်း သိရသည်။
သတင်း - ကိုကိုဦး
https://t.me/MyanmarNationalPost
No comments:
Post a Comment