MNP - မေ ၃၀
မန္တလေးတိုင်းဒေသကြီး၊ ကျောက်ဆည်မြို့နယ်တွင် ကိုဗစ်-၁၉ရောဂါကာကွယ်ဆေးနှင့် ထပ်ဆောင်းကာကွယ်ဆေးများအားထိုးနှံပေးလျက်ရှိရာ ယမန်နေ့မွန်းလွဲ(၁)နာရီခွဲက ပထမအကြိမ် ကိုဗစ်-၁၉ ရာဂါကာကွယ်ဆေးထိုးပြီးသူ (၁၇၇၅၁၀)ဦး၊ ဒုတိအကြိမ် ကိုဗစ်-၁၉ရောဂါကာကွယ်ဆေးထိုးပြီးသူ (၁၅၃၉၀၄) ဦးနှင့် ထပ်ဆောင်းကာကွယ်ဆေးထိုးပြီးသူ(၁၂၆၅၅)ဦး စုစုပေါင်း(၃၄၄၀၆၉)ဦး ထိုးနှံပြီးဖြစ်ကြောင်း မြို့နယ်ကိုဗစ်-၁၉ရောဂါကာကွယ်ထိန်းချုပ်ရေးနှင့် အရေးပေါ်တုံ့ပြန်ရေးကော်မတီထံမှ သိရသည်။
ကိုဗစ်-၁၉ရောဂါကာကွယ်ဆေးများထိုးနှံရာတွင် ပထမအကြိမ်တွင် ပြည်သူ(၁၆၇၆၂၁)ဦး၊ အသက်(၁၂)နှစ်အထက် ကျောင်းသား/ကျောင်းသူ(၈၄၉၆)ဦး၊ အသက်(၁၅)နှစ်နှင့်(၁၈)နှစ်အတွင်း သာမဏေနှင့် သီလရှင်(၁၃၉၃)ဦး၊ စုစုပေါင်း(၁၇၇၅၁၀)ဦး၊ ဒုတိယအကြိမ်တွင် ပြည်သူ(၁၄၅၂၇၉)ဦး၊ အသက်(၁၂) နှစ်အထက် ကျောင်းသား/ကျောင်းသူ (၈၁၃၉)ဦး၊ အသက်(၁၅)နှစ်နှင့်(၁၈)နှစ်အတွင်း သာမဏေနှင့် သီလရှင်(၄၈၆)ဦး၊စုစုပေါင်း(၁၅၃၉၀၄)ဦး နှင့် ထပ်ဆောင်း ကာကွယ်ဆေးထိုးပြီးသူ(၁၂၆၅၅)ဦးအား ကာကွယ်ဆေးများထိုးနှံပေးပြီးဖြစ်ကြောင်း သိရသည်။
ကျောက်ဆည်မြို့နယ် ကိုဗစ်-၁၉ရောဂါ ကာကွယ်ထိန်းချုပ်ရေးနှင့် အရေးပေါ်တုံ့ပြန်ရေးကော်မတီ အနေဖြင့် ပြည်သူများ ကိုဗစ်-၁၉ရောဂါကာကွယ်ဆေးထိုးနှံရန် အဆင်ပြေစေရေးအတွက် ရက်ကွက်၊ ကျေးရွာများတွင် အသိပေးနှိုးဆော်ခြင်းများ ဆောင်ရွက်လျက်ရှိပြီး စုကြီးထန်းတောရပ်ကွက်၊ မြို့တော်ခန်းမနှင့် စမာ၊ မင်းစု၊ သံရွာ၊ ဖျောက်ဆိပ်ပင်၊ ရဲရွာ စသည့်ပြည်သူ့ကျန်းမာရေးဌာနခွဲများတွင် ကာကွယ်ဆေးများ ထိုးနှံပေးလျက်ရှိကြောင်းနှင့် ဇွန်(၂)ရက်နေ့တွင် အသက်(၅)နှစ်အထက် ကျောင်း သား/ကျောင်းသူများအား ကာကွယ်ဆေးများ ဆက်လက်ထိုးနှံ ပေးသွားမည်ဖြစ်ကြောင်း သိရသည်။
သတင်း - သက်မောင်
မြန်မာနေရှင်နယ်ပို့စ်
No comments:
Post a Comment