MNP - မေ ၃၀
ရှမ်းပြည်နယ်(အရှေ့ပိုင်း)၊ ကျိုင်းတုံမြို့သို့ ကိုဗစ်-၁၉ ရောဂါကာကွယ်ဆေး Sinopharm၊ Covishield၊ MyanCopharm ကာကွယ်ဆေးများ တပ်မတော်လေယာဉ်ဖြင့် နေပြည်တော်မှ ပို့ဆောင်ပေးခဲ့ရာ ယမန်နေ့က ရောက်ရှိသည်။
တပ်မတော်လေယာဉ်ဖြင့် ပို့ဆောင်လာသည့် ကိုဗစ်-၁၉ရောဂါကာကွယ်ဆေး Sinopharm အရေအတွက် (၁၃၃၉၃)လုံး၊ Covishieid အရေအတွက် (၂၃၁၄)လုံး၊ MyanCopharm အရေအတွက် (၂၆၂၀)လုံးနှင့်ဆေးထိုးအပ်များကျိုင်းတုံမြို့သို့ရောက်ရှိရာရှမ်းပြည်နယ်အရှေ့ပိုင်း၊ ဒုတိယပြည်နယ် ကုသရေးနှင့်ပြည်သူ့ကျန်းမာရေးဦးစီးဌာနမှူး ဒေါက်တာစည်သူအောင်နှင့် တာဝန်ရှိသူများက လက်ခံရယူသည်။
အဆိုပါရောက်ရှိလာသည့် ကိုဗစ်-၁၉ ကာကွယ်ဆေး Sinopharm ကာကွယ်ဆေး လူဦးရေ( ၆၆၉၆၅ )ဦးစာ၊ Covishieldကာကွယ်ဆေးလူဦးရေ(၂၅၄၅၄)ဦးစာ၊ MyanCopharm ကာကွယ်ဆေးလူဦးရေ(၁၃၁၀၀)ဦးစာအတွက် ရှမ်းပြည်နယ် အရှေ့ပိုင်းရှိ မြို့နယ်များအလိုက် ကာကွယ်ဆေးထိုးနှံပေးနိုင်ရေး ဆက်လက်ဖြန့်ဝေပေးသွားမည်ဖြစ်ကြောင်း သိရသည်။
သတင်း - ကျော်စိန်သန်း
မြန်မာနေရှင်နယ်ပို့စ်
No comments:
Post a Comment