MNP ၊ မေ ၁၆
ရခိုင်ပြည်နယ်၊ ရသေ့တောင်မြို့တွင် (၂၀၂၂-၂၀၂၃)ပညာသင်နှစ်၊ Grade-8 (သင်ရိုးသစ်) မြို့နယ်အဆင့်ဆင့်ပွားသင်တန်းဖွင့်ပွဲအခမ်းအနားကို ယနေ့၊ နံနက်(၉)နာရီက ရသေ့တောင်(အထက)(၂)အစည်းအဝေးခန်းမ၌ ကျင်းပခဲ့ကြောင်းသိရသည်။
ရှေးဦးစွာ မြို့နယ်ပညာရေးမှူး ဦးထွန်းရွှေက တိုးတက်ပြောင်းလဲ လာသော ပညာရေးစနစ်နှင့်အညီ အလယ်တန်းပညာရပ်သည် အဓိကကျပါကြောင်း၊ ဆရာ၊ ဆရာမတို့အနေနဲ့ Grade-8 (သင်ရိုးသစ်) သင်ရိုးညွှန်းတမ်းများကို နည်းစနစ်တကျ သင်ကြား၊ သင်ယူကြပါရန် လမ်းညွှန်မှာကြားခဲ့ပြီး၊ ဒုတိယမြို့နယ်ပညာရေးမှူး ဦး မောင်ဝင်းညွန့်က သင်တန်းနည်းပြဆရာများနှင့်သင်တန်းသား ဆရာ/မတို့အား သင်တန်း၏ စည်းမျဉ်း၊ စည်းကမ်းများနှင့်ပတ်သက်၍ ရှင်းလင်းပြောကြားခဲ့သည်။
အဆိုပါသင်တန်းသို့ ရသေ့တောင်မြို့နယ်အတွင်းရှိ အခြေခံပညာအထက်တန်း၊ အလယ်တန်းကျောင်းများမှ ထက်အုပ်၊လယ်အုပ်၊အလယ်တန်းပြဆရာ၊ ဆရာမ (၆၁၂)ဦး၊ တက်ရောက်ကြပြီး၊ သင်တန်းနည်းပြဆရာ/ မ ၂၂ ဦးတို့က Grade-8(သင်ရိုးသစ်)သင်ရိုးညွှန်း တမ်းအတိုင်း မြန်မာစာ ၊ အင်္ဂလိပ်စာ ၊ သင်္ချာ ၊ သိပ္ပံ ၊ပထဝီ၊သမိုင်း၊စာရိတ္တနှင့်ကာယစသည့်ဘာသာရပ်များကို မေလ(၁၆)ရက်နေ့မှ (၁၈)ရက်နေ့အထိ (၃)ရက် ကြာ သင်ကြားပို့ချပေးလျက် ရှိကြောင်းသိရသည်။
သတင်း - ထွန်းလင်းကျော်
https://t.me/MyanmarNationalPost
No comments:
Post a Comment