MNP - ဇွန် ၄
“ဝ”ကိုယ်ပိုင်အုပ်ချုပ်ခွင့်ရတိုင်း၊ ဟိုပန်ခရိုင်၊ ဟိုပန်မြို့တွင် ပြည်သူများ ယာဉ်အန္တရာယ်ကင်းရှင်းစေရန်၊ယာဉ်စည်းကမ်း လမ်းစည်းကမ်းများကို သိရှိလိုက်နာတတ်စေရန် ည်ရရွယ်၍ ယနေ့နံနက် ၈ နာရီခွဲအချိန်က ဟိုပန်မြို့၊ မြို့လယ်အဝိုင်းတွင် ယာဉ်စည်းကမ်း၊ လမ်းစည်းကမ်းဆိုင်ရာ အသိပညာပေးလက်ကမ်းစာစောင်များကို ဖြန့်ဝေပေးခဲ့ပါသည်။
ထိုသို့ ဆောင်ရွက်ရာတွင် အမှတ်(၁၂၉)ယာဉ်ထိန်းရဲတပ်ဖွဲ့စုမှ ဒုတိယရဲမှူး ထွန်းဇော်မျိုး ဦးဆောင်၍ ယာဉ်ထိန်းရဲတပ်ဖွဲ့ဝင်များ၊ မြန်မာနိုင်ငံရဲတပ်ဖွဲ့ဝင်များ၊ မီးသတ်တပ်ဖွဲ့ဝင်များပါဝင်သော အဖွဲ့သည် ခရီးသွားပြည်သူများ၊ ဈေးသွားဈေးလာပြည်သူများကို ယာဉ်စည်းကမ်းလမ်းစည်းကမ်းဆိုင်ရာ အသိပညာပေးလက်ကမ်းစာစောင်(၂၅၅)စောင်ဖြန့်ဝေပေးခဲ့ပါသည်။
ယာဉ်ထိန်းရဲတပ်ဖွဲ့အနေဖြင့် ယာဉ်စည်းကမ်း လမ်းစည်းကမ်းဆိုင်ရာ အသိပညာပေး လုပ်ငန်းများကို စာသင်ကျောင်းများတွင်လည်းကောင်း၊ လူစည်ကားရာနေရာများတွင်လည်းကောင်း ဆောင်ရွက်ပေးလျက်ရှိကြောင်း သိရသည်။
မြန်မာနေရှင်နယ်ပို့စ်
No comments:
Post a Comment