MNP ၊ ဇွန် ၁၁
ရခိုင်ပြည်နယ်၊ ရသေ့တောင်မြို့၌ သန့်ရှင်းသာယာလှပစေရေးအတွက် မြို့နယ်စီမံအုပ်ချုပ်ရေးအဖွဲ့ ကြီးကြပ်မှုဖြင့် မြို့နယ်စီမံအုပ်ချုပ်ရေးယာယီဥက္ကဌနှင့်အဖွဲ့ဝင်များနှင့်အတူ မြို့နယ်အဆင့်ဌာန ဆိုင်ရာများ၊ ပြည်သူများစုပေါင်းကာ လမ်းဘေးဝဲယာလမ်းတစ်လျှောက်တွင်ယနေ့ နံနက် ၇ နာရီအချိန်မှစတင်၍ စုပေါင်းသန့်ရှင်းရေးပြုလုပ်ခဲ့ကြသည်။
ထိုသို့ စုပေါင်းသန့်ရှင်းရေး ဆောင်ရွက်ရာတွင် မြို့နယ်စီမံအုပ်ချုပ်ရေးအဖွဲ့ ယာယီ ဥက္ကဌ ဦးရာဇာလင်း၊ အဖွဲ့ဝင် ဗိုလ်မှူးဖြိုးဝေအောင်၊ မြို့နယ်အဆင့်ဌာနဆိုင်ရာများ ၊ မြန်မာနိုင်ငံရဲ တပ်ဖွဲ့ဝင်များ ၊ မီးသတ်တပ်ဖွဲ့ဝင်များ ၊ ပြည်သူများစုစုပေါင်းအင်အား ၁၀၀ ခန့် က လမ်းမတော်လမ်း မြို့တော်ခန်းမရှေ့လမ်းနှင့် မင်းဘာကြီးလမ်းတစ်လြှောကျ လမ်းဘေးဝဲယာ မြက်ပင် ၊ ပေါင်းပင်၊ ၊ ချုံနွယ်များအား သန့်ရှင်းသာယာ လှပစေရေးအတွက် ခုတ်ထွင်ရှင်းလင်းခြင်း၊ ပလက်စတစ် အမှိုက်သရိုက်များကောက် ယူခြင်း ၊ တံမြက်စည်းလှဲခြင်း စသည့် တို့ကို စုပေါင်းသန့်ရှင်းရေး ပြုလုပ်ကြရာ စည်ပင်သာယာရေးအဖွဲ့က အမှိုက်သိမ်း ကားဖြင့် သတ်မှတ်နေရာတွင် စနစ်တကျ စွန့်ပစ်ခဲ့ကြသည်။
အဆိုပါ စုပေါင်းသန့်ရှင်းရေးပြုလုပ်ခြင်းကို အပတ်စဉ် စနေနေ့တိုင်း ဆောင်ရွက်သွားမည်ဖြစ်ကြောင်း သိရသည်။
သတင်း - ထွန်းလင်းကျော်
https://t.me/MyanmarNationalPost
No comments:
Post a Comment