MNP - ဇွန် ၁၀
ရှမ်းပြည်နယ်(မြောက်ပိုင်း)၊ မူဆယ်ခရိုင်၊ မူဆယ်နယ်စပ်နန်းတော်ဂိတ်တွင် ယမန်နေ့နံနက် ၈ နာရီအချိန်က တရုတ်နိုင်ငံဘက်မှ မြန်မာ နိုင်ငံရွှေ့ပြောင်းအလုပ်သမားများ ပြန်လည်ဝင်ရောက်ခဲ့ကြောင်း သိရသည်။
အဆိုပါ ပြန်လည်ဝင်ရောက်လာသူ မြန်မာနိုင်ငံရွှေ့ပြောင်းအလုပ်သမား ကျား (၁၉၁)ဦးနှင့် မ(၁၀၉) ဦး စုစုပေါင်း(၃၀၀)ဦးတို့ကို တရုတ်-မြန်မာ နယ်စပ်နန်းတော်ဂိတ်တွင် လွှဲပြောင်းပေးအပ်ခဲ့ရာ မူဆယ်ခရိုင် အုပ်ချုပ်ရေးမှူးဦးအောင်ဇော်မိုး၊ မူဆယ်ခရိုင် လဝကဦးစီးမှူး ဦးရဲရင့်ထွန်းနှင့် အဖွဲ့များက လဝကနှင့်သက်ဆိုင်သည့် စာရွက်စာတမ်းများနှင့် လိုအပ်သည့် အချက်အလက်များကို စစ်ဆေးခဲ့ကြောင်း၊ သက်ဆိုင်ရာဌာနဆိုင်ရာအသီးသီးက နေရပ်ပြန်လာသူများအား စနစ်တကျလက်ခံပြီး သက်ဆိုင်ရာ တိုင်းဒေသကြီး၊ ပြည်နယ်အသီးသီးသို့ အဆင်ပြေအေးချမ်းစွာပြန်နိုင်ရေးအတွက် မော်တော်ယာဉ်များ စီစဉ်ဆောင်ရွက်ပေးခဲ့ကြောင်းနှင့် လိုအပ်သည်များ ကူညီဆောင်ရွက်ပေးခဲ့ကြောင်း သိရသည်။
သတင်း- ချယ်ရီမြေ
မြန်မာနေရှင်နယ်ပို့စ်
No comments:
Post a Comment