MNP ၊ ဇွန် ၇
ရခိုင်ပြည်နယ် ၊မောင်တောခရိုင် ၊ ဘူးသီးတောင်မြို့နယ်အတွင်း လယ်ယာကဏ္ဍဖွံ့ဖြိုးတိုးတက် စေရေးအတွက်တောင်သူများအား ပညာပေးသင်တန်းပို့ချခြင်းကို ယနေ့ မွန်းလွဲ( ၂)နာရီအချိန်က ဘူးသီးတောင်မြို့စိုက်ပျိုးရေးဦးစီးဌာန ရုံးခန်းမ၌ ကျင်းပပြုလုပ်သည်။
ရှေးဦးစွာ ဘူးသီးတောင်မြို့နယ်စိုက်ပျိုးရေးဦးစီးဌာန၊ မြို့နယ်ဦးစီးမှူး ဦးမောင်မောင်ညီက သင်တန်းဖွင့်လှစ်ရခြင်းနှင့်ပတ်သတ်၍ ရှင်းလင်းပြောကြားပြီး သင်တန်းနည်းပြများဖြစ်သည့် ပြည်နယ်ဦးစီးမှူးရုံးမှ သီးနှံကာကွယ်ရေးတာဝန်ခံ ဒေါ်အောင်မြကြည်က ပိုးသတ်ဆေးအမျိုးအစားများနှင့်စနစ်တကျ ကိုင်တွယ်သုံးစွဲနည်းစနစ်များအားပို့ချခြင်း ၊ မျိူးစေ့တာဝန်ခံ ဒေါ်တင်မြင့်ရီက မျိုးကောင်းမျိုးသန့် မျိုးစေ့များ ထုတ်လုပ်ခြင်းများ သင်ကြားပို့ချကာ မြေအသုံးချရေးတာဝန်ခံ ဒေါ်ခင်ဆွေအေးက သဘာဝမြေဩဇာနှင့်သစ်စွမ်းမြေသြဇာ ပြုလုပ်သုံးစွဲနည်းများ၊အပင်တွင်အဓိကလိုအပ်သည့်အဟာရဓါတ်များနှင့်အကျိုးရှိစွာစနစ်တကျသုံးစွဲနည်းများအား( ပရိုဂျတ်တာ)ဖြင့်သင်ကြားပို့ချပေးခဲ့ကြရာ တောင်သူများမှအပြန်အလှန်ဆွေးနွေးခဲ့ကြသည်။
အဆိုပါတောင်သူပညာပေးသင်တန်းသို့တောင်သူ(၃၅)ဦး၊ဝန်ထမ်း( ၂၀)ဦး စုစုပေါင်းအင်အား ( ၅၅)ဦးတက်ရောက်ခဲ့ကြကြောင်းသိရသည်။
ဘူးသီးတောင်မြို့နယ်အတွင်း ၂၀၂၂- ၂၀၂၃ ခုနှစ်၊ မိုးစပါးလျာထား ဧကမှာ( ၅၈၁၃၆)ဧကရှိပြီး အထွက်နှုန်းအရည်အသွေးပိုမိုကောင်းမွန်ရေး၊မျိုးကောင်းမျိုးသန့်မျိုးစေ့ထုတ်လုပ်၍ဒေသအတွင်းမျိုးစေ့လုံလောက်စွာရရှိနိုင်ရေးနှင့်ဓါတုမြေသြောဇာသုံးစွဲမှုလျှော့ချရေးစသည့်လုပ်ငန်းများကိုတိုးမြှင့်ဆောင်ရွက်လျက်ရှိပါကြောင်းမြို့နယ်စိုက်ပျိုးရေးဦးစီးမှူးဦးမောင်မောင်ညီမှသိရသည်။
သတင်း - လှကျော်
https://t.me/MyanmarNationalPost
No comments:
Post a Comment