MNP - ဇွန် ၂၈
ပဲခူးတိုင်းဒေသကြီး၊ ပဲခူးခရိုင်၊ ရွှေကျင်မြို့နယ်တွင် မြို့နယ်လူမှုဝန်ထမ်းဦးစီးဌာနက ကြီးမှူး၍ ကျား၊ မရေးရာအခြေပြု အကြမ်းဖက်မှု (GBV) ဆိုင်ရာ အသိပညာပေး ဆွေးနွေးပွဲကို ယနေ့ နံနက် ၁၀ နာရီက ရွှေကျင်မြို့နယ် အခြေခံပညာအထက်တန်း (အ-ထ-က) ရွှေကျင်ကျောင်း ပညာရတနာခန်းမ၌ ပြုလုပ်ခဲ့ကြောင်း သိရသည်။
ဆွေးနွေးပွဲတွင် မြို့နယ်လူမှုဝန်ထမ်းဦးစီးဌာနမှ ဦးစီးအရာရှိ ဒေါ်ပြုံးပြုံးရီက ကျား၊ မ အခြေပြုအကြမ်းဖက်မှုများ၊ အကြမ်းဖက်ခြင်း (၅) မျိုး၊ Gender-Based Violence ဖြစ်ပွားရသည့် အကြောင်းရင်းများကို ပရိုဂျက်တာဖြင့် ပြသ၊ ဟောပြော၊ ဆွေးနွေးခဲ့သည်။ အဆိုပါ အသိပညာပေး ဆွေးနွေးပွဲသို့ ကျောင်းဆရာ၊ ဆရာမ များနှင့် ကျောင်းသား၊ ကျောင်းသူ(၁၂၀)ဦးခန့်တက်ရောက် ခဲ့ကြသည်။
လူမှုဝန်ထမ်းဦးစီးဌာနအနေဖြင့် လူမှုပတ်ဝန်းကျင်အတွင်း ကျား၊ မ အခြေပြု အကြမ်းဖက်မှုများ လျော့နည်းပပျောက်စေရေး ရည်ရွယ်၍ အသိပညာပေးဆွေးနွေးပွဲ ပြုလုပ်ရခြင်းဖြစ်ကြောင်း ဦးစီးအရာရှိ ဒေါ်ပြုံးပြုံးရီထံမှ သိရသည်။
သတင်း - ထွန်းထွန်းဇော်
မြန်မာနေရှင်နယ်ပို့စ်
No comments:
Post a Comment