MNP - ဇူလိုင် ၅
ပဲခူးတိုင်းဒေသကြီး၊ လက်ပံတန်းမြို့နယ်၌ ဇူလိုင် ၃ ရက်နေ့တွင် ကျရောက်သော မြန်မာအမျိုးသမီးများနေ့ကို ဂုဏ်ပြုသောအားဖြင့် သစ်တောသစ်ပင်များထိန်းသိမ်းခြင်း၊ သစ်တောစိုက်ခင်းများ ထူထောင်ခြင်းဖြင့် သဘာဝပတ်ဝန်းကျင် စမ်းလန်းစိုပြည်ရေး၊ ရာသီဥတုမျှတကောင်းမွန်စေရေးအတွက် ရည်ရွယ်၍ မြို့နယ်သစ်တောဦးစီးဌာနက ဦးဆောင်ကျင်းပသော မိုးရာသီသစ်ပင်စိုက်ပျိုးပွဲကို လက်ပံတန်းမြို့ အစိုးရစက်မှု လက်မှုသိပ္ပံကျောင်းဝင်းတွင် ယနေ့နံနက်ပိုင်းက ကျင်းပသည်။
အခမ်းအနားတွင် မြို့နယ်စီမံအုပ်ချုပ်ရေးအဖွဲ့ ဥက္ကဋ္ဌ မြို့နယ်အုပ်ချုပ်ရေးမှူး ဦးဘုန်းလှိုင်နှင့်အဖွဲ့ဝင်များ၊ သာယာဝတီခရိုင် သစ်တောဦးစီးဌာနမှ လက်ထောက်ညွှန်ကြားရေးမှူး ဦးမြဝင်းသောင်း၊ မြို့နယ်သစ်တောဦးစီးဌာနမှ ဦးစီးအရာရှိ ဦးအောင်ရဲဝင်းနှင့်ဝန်ထမ်းများ၊ ဌာနဆိုင်ရာဝန်ထမ်းများ၊ အမျိုးသမီးရေးရာနှင့် မိခင်နှင့်ကလေးအဖွဲ့ဝင်များ၊ လူမှုရေးအသင်းအဖွဲ့များ၊ ဒေသခံပြည်သူများက သတ်မှတ်နေရာများတွင် ကျွန်း၊ မဟော်ဂနီ၊ ခရေ၊ ရေတမာနှင့်မန်ဂျန်ရှားပျိုးပင် ပေါင်း ၃၂၀ ကို စုပေါင်းစိုက်ပျိုးပေးကြသည်။
မြန်မာနေရှင်နယ်ပို့စ်
No comments:
Post a Comment