MNP - ဇူလိုင် ၃၀
ပဲခူးတိုင်းဒေသကြီး အထွေထွေအုပ်ချုပ်ရေးဦးစီးဌာန၊ ဝန်ထမ်းမိသားစုများမှ ဝါဆိုသင်္ကန်း ဆက်ကပ်လှူဒါန်းခြင်း အခမ်းအနားကို ယနေ့နံနက်ပိုင်းက ပဲခူးမြို့၊ ဥဿာသီရိစာသင်တိုက်ရှိ ဝိမလသီရိဓမ္မာရုံတော်ကြီး၌ ကျင်းပပြုလုပ်သည်။
ရှေးဦးစွာ ပဲခူးတိုင်းဒေသကြီးအစိုးရအဖွဲ့ အတွင်းရေးမှူး၊ ပဲခူးတိုင်းဒေသကြီး အထွေထွေအုပ်ချုပ်ရေးဦးစီးဌာန၊ တိုင်းဒေသကြီးအုပ်ချုပ်ရေးမှူး ဦးအေးမောင်ကြည်နှင့်ဇနီး အမှူးပြုသော ညွှန်ကြားရေးမှူးများ၊ ဒုတိယညွှန်ကြားရေးမှူး၊ ခရိုင်/ မြို့နယ်အုပ်ချုပ်ရေးမှူးများ၊ တိုင်းဒေသကြီး အထွေထွေအုပ်ချုပ်ရေးဦးစီးဌာန ဝန်ထမ်းများနှင့် ဝန်ထမ်းမိသားစုများမှ ဥဿာသီရိစာသင်တိုက်၊ ပဓာနနာယကဆရာတော်၊ နိုင်ငံတော်ဗဟိုသံဃာ့ဝန်ဆောင် ဒေါက်တာဘဒ္ဒန္တသူရိယ (အဂ္ဂမဟာပဏ္ဍိတ) အရှင်သူမြတ်ထံမှ ငါးပါးသီလ ခံယူဆောက် တည်ကြပြီး ဆရာတော်၊ သံဃာတော် အရှင်သူမြတ်များမှ ပရိတ်တရားတော်များ ရွတ်ဖတ်သရဇ္ဈာယ်တော်မူကြသည်။
ထို့နောက် တိုင်းဒေသကြီးအစိုးရအဖွဲ့ အတွင်းရေးမှူး၊ ဦးအေးမောင်ကြည်နှင့်ဇနီး အမှူးပြုသော အထွေထွေအုပ်ချုပ်ရေးဦးစီးဌာနမှ ဝန်ထမ်းများ၊ ဝန်ထမ်းမိသားစုများသည် ဥဿာသီရိစာသင်တိုက် ပဓာနနာယကဆရာတော်နှင့် သံဃာတော်အရှင်သူမြတ်များထံသို့ ဝါဆိုသင်္ကန်းများနှင့် နဝကမ္မအလှူငွေများကို ဆက်ကပ်လှူဒါန်းကြပြီး လှူဒါန်းမှုအစုစုအတွက် ရေစက်ချအမျှအတမ်းပေးဝေခဲ့ကြကာ ဥဿာသီရိစာသင်တိုက် ပဓာန နာယက ဆရာတော်နှင့် သံဃာတော်အရှင်သူမြတ် (၁၇၈) ပါးတို့အား နေ့ဆွမ်းဆက်ကပ် လှူဒါန်းခဲ့ကြကြောင်း သိရသည်။
သတင်း - သက်ဖြိုးကြိုင်
မြန်မာနေရှင်နယ်ပို့စ်
No comments:
Post a Comment