MNP - ဇူလိုင် ၁၂
စစ်ကိုင်းတိုင်းဒေသကြီး၊ ကလေးဝမြို့တွင် မိုးရာသီအတွင်း မြို့နယ်စည်ပင်သာယာရေး ကော်မတီက လမ်းဘေး ရေမြောင်းများ ရေစီးရေလာ ကောင်းမွန်ရေးအတွက် ယမန်နေ့ နံနက် ၁၀ နာရီက ကလေးဝမြို့ အမှတ်-၂ ရပ်ကွက်ရှိ ပင်မရေမြောင်းကြီးအား ရှင်းလင်းခြင်း ဆောင်ရွက်ခဲ့သည်။
မြို့နယ်စည်ပင်အမှုဆောင်အရာရှိ ဦးဂျေဘီရိုင်းနှင့် စည်ပင်ဝန်ထမ်းများက မိုးရာသီကာလအတွင်း ရေမြောင်း များ ပိတ်ဆို့မှုကြောင့် ရေကြီးရေလျှံမှု မဖြစ်ပေါ်စေရေးအတွက် ကလေးဝမြို့ အမှတ်-၂ ရပ်ကွက်ရှိ ပင်မရေ မြောင်းကြီးအား စက်ယန္တရားများဖြင့် ပိတ်ဆို့စွန့်ပစ်အမှိုက်များ ဖယ်ရှားရှင်းလင်းခြင်း၊ ရွှံ့နွံများ ရှင်းလင်း ဖယ်ထုတ်ခြင်းတို့ကို ဆောင်ရွက်ခဲ့သည်။
အဆိုပါ ပင်မရေမြောင်းကြီးသည် အလျား ၂၃၀၀ ပေ၊ အကျယ် ၇ ပေ၊ အနက် ၆ ပေ ရှိပြီး ယနေ့ ပိတ်ဆို့စွန့်ပစ်အမှိုက်များဖယ်ရှား ရှင်းလင်းခြင်း၊ ရွှံ့နွံများ ရှင်းလင်းဖယ်ထုတ်ခြင်းတို့ကို ၇၀၀ ပေအထိ ဆောင်ရွက်မည်ဖြစ်ပြီး နောက်နေ့များတွင်လည်း ဆက်လက်လုပ်ဆောင်သွားမည်ဖြစ် ကြောင်း သိရသည်။
သတင်း - သက်ဟန်
မြန်မာနေရှင်နယ်ပို့စ်
No comments:
Post a Comment