MNP ၊ ဇူလိုင် ၈
တနင်္သာရီတိုင်းဒေသကြီးပတ်ဝန်းကျင်စီမံခန့်ခွဲမှုလုပ်ငန်းစီမံချက်အပေါ်တိုင်းဒေသကြီးအဆင့်(အပြီးသတ်) ဆွေးနွေးပွဲ အခမ်း အနားကိုယနေ့မွန်းလွဲ ၁ နာရီ က ထားဝယ်မြို့၊ တိုင်းဒေသကြီးအစိုးရအဖွဲ့ရုံး၊ အစည်းအဝေးခန်းမ၌ ကျင်းပသည်။
အခမ်းအနားတွင်တိုင်းဒေသကြီးသယံဇာတရေးရာဝန်ကြီးဦးခင်မောင်မြင့် က ပတ်ဝန်းကျင်စီမံခန့်ခွဲမှုလုပ်ငန်းစီမံချက် အပေါ်တွင်ဆောင်ရွက်ရမည့်လုပ်ငန်းများကိုအကောင်အထည်ဖော်ဆောင်ဆောင်ရွက်နိုင်ရန်အတွက် ဌာနဆိုင်ရာ များအနေ ဖြင့်ဝိုင်းဝန်းအကြံပြုဆွေးနွေးပေးကြရန်လိုအပ်ကြောင်း၊ လုပ်ငန်းဆောင်ရွက်သည်အခါတွင်လိုအပ်ချက်များရှိပါက တိုင်းဒေသကြီးအစိုးရအဖွဲ့အနေဖြင့်ကူညီဆောင်ရွက်ပေးသွားမည်ဖြစ်ကြောင်းပြောကြားသည်။
ထို့နောက်ပတ်ဝန်းကျင်ထိန်းသိမ်းရေးဦးစီးဌာန၊ညွှန်ကြားရေးမှူး၊ဦးဇော်မင်းအုန်း က ပတ်ဝန်းကျင်စီမံခန့်ခွဲမှု လုပ်ငန်း စီမံ ချက်နှင့်ပတ်သက်၍ဆောင်ရွက်ထားရှိမှုအခြေအနေများအားရှင်းလင်းဆွေးနွေးပြောကြားပြီးလက်ထောက်ညွှန်ကြားရေးမှူး၊ ဦးကျော်နိုင်မိုး က ပတ်ဝန်းကျင်စီမံခန့်ခွဲမှုလုပ်ငန်းစီမံချက်တွင်ဌာန တစ်ခုချင်းအလိုက် ပြင်ဆင်ထား သည့်အချက် များကိုပါဝါပိုင့်ဖြင့်အကျယ်တဝင့်ရှင်းလင်းဆွေးနွေးတင်ပြသည်။
ဆက်လက်၍တက်ရောက်လာသောဌာနဆိုင်ရာတာဝန်ရှိသူများ က ပြင်ဆင်ထားရှိသည့်အချက်များအပေါ်တွင်လိုအပ်သည် များကိုဖြည့်စွက်ဆွေးနွေးရာ တိုင်းဒေသကြီးသယံဇာတရေးရာဝန်ကြီးဦးခင်မောင်မြင့် က ညှိနှိုင်းဆောင်ရွက်ပေးခဲ့ကြောင်း သတင်းရရှိသည်။
https://t.me/MyanmarNationalPost
No comments:
Post a Comment