MNP - ဇူလိုင် ၃
ရှမ်းပြည်နယ်(အရှေ့ပိုင်း)၊ မိုင်းဆတ်မြို့၌ ဇွန် ၃၀ ရက် နံနက်ပိုင်းမှစ၍ မိုးများအဆက်မပြတ် ရွာသွန်းလျက်ရှိသဖြင့် တောင်ကျရေများစီးဝင်ခဲ့ရာ ယမန်နေ့ ညနေ ၃ နာရီခန့်က မယ်ဆွမ်မြောက် (ကွက်သစ်) ရပ်ကွက်အတွင်းရှိ မြေနိမ့်ပိုင်းနေရာများဖြစ်သော ခရိုင်ပြန်ကြားရေးနှင့်ပြည်သူ့ ဆက်ဆံရေးဉီးစီးဌာနရုံးနှင့် ခရိုင်သဘာဝပတ်ဝန်းကျင်ဉီးစီးဌာနရုံး အဆောက်အဉီနှင့် ရုံးဝင်းအတွင်း ရေဝင်ရောက်မှုများ ဖြစ်ပွားလျက်ရှိကြောင်း သိရသည်။
အဆိုပါ ရေများသည် ယနေ့နံနက်ပိုင်းအထိ ကျဆင်းသွားခြင်းမရှိသေးဘဲ တောင်ကျရေများထပ်မံ စီးဆင်းဝင်ရောက်လျက်ရှိကြောင်း၊ ရေဝင်ရောက်မှုများကြောင့် တစ်စုံတစ်ရာ ပျက်စီးဆုံးရှုံးမှု မရှိကြောင်းနှင့် ခရိုင်နှင့် မြို့နယ်မီးသတ်တပ်ဖွဲ့ဝင်များက လိုအပ်သည်များ ကူညီဆောင်ရွက် ပေးလျက်ရှိကြောင်း သိရသည်။
သတင်း - စန်းစန်းယဉ်
မြန်မာနေရှင်နယ်ပို့စ်
No comments:
Post a Comment