MNP ၊ ဇူလိုင် ၂၂
ရခိုင်ပြည်နယ်၊ ကျောက်ဖြူမြို့နယ်၊ မြန်မာ့စီးပွားရေးဘဏ်တွင် အငြိမ်းစားဝန်ထမ်းများအား ဇူလိုင် လ ၂၁ ရက်နေ့ နံနက်ပိုင်းမှစတင်ကာ ပင်စင်လစာငွေများကို ထုတ်ပေးလျှက်ရှိသည်။
ထိုသို့ ထုတ်ပေးလျှက်ရှိရာတွင် အငြိမ်းစားဝန်ထမ်းများအနေဖြင့် ပင်စင်လစာငွေများထုတ်ယူရာ၌ အဆင်ပြေချောမွေ့စေကာ အခက်အခဲမဖြစ်ပေါ်စေရန်အတွက် ရုံးပိတ်ရက်များမှအပ ရုံးဖွင့်ချိန်ရက်များတွင် နံနက် ၇ နာရီမှစတင်၍ ပင်စင်လစာငွေများကို ထုတ်ပေးလျက်ရှိသည်။ ထို့အပြင် သတ်မှတ်ရက်များတွင် လာရောက်ထုတ်ယူနိုင်ခြင်းမရှိသော အငြိမ်းစားဝန်ထမ်းများကို သြဂုတ်လ လဆန်းပိုင်းတွင်ဘဏ်လုပ်ငန်း ချိန်အတွင်း ဆက်လက်ထုတ်ပေးသွားမည်ဖြစ်သည်။
ကျောက်ဖြူမြို့နယ် မြန်မာ့စီးပွားရေးဘဏ်တွင် လစဉ်ပင်စင်လာရောက်ထုတ်ယူသူ ၂၅၀၀ ကျော် ခန့်ရှိပြီး ဇူလိုင်လ ၂၁ ရက်နေ့က ပင်စင်လာရောက်ထုတ်ယူသူ ၅၆၈ ဦးတို့အား ပင်စင်လစာငွေ ၅၉.၄၈ ကျပ်သန်းအား ထုတ်ပေးထားပြီးဖြစ်ကာ ပင်စင်လစာထုတ်ယူရန်ကျန်ရှိနေသူများကိုလည်း ဆက်လက် ထုတ်ပေးလျှက်ရှိကြောင်း မြို့နယ်၊မြန်မာ့စီးပွားရေးဘဏ်မှ သိရှိရသည်။
သတင်း - တင်ထွန်းဦး၊ ဖြိုးဝေလင်း
https://t.me/MyanmarNationalPost
No comments:
Post a Comment