MNP - ဇူလိုင် ၃၀
ပဲခူးတိုင်းဒေသကြီး၊ ပြည်ခရိုင်၊ ပေါက်ခေါင်းမြို့ ပြည်သူ့ဆေးရုံကြီးတွင် ကျန်းမာရေး စောင့်ရှောက်မှုလုပ်ငန်းသင်တန်း ဆွေးနွေးဟောပြောခြင်းကို ယမန်နေ့နံနက် ၁၀ နာရီက ပြည်သူ့ဆေးရုံကြီးအစည်းအဝေးခန်းမတွင် ကျင်းပခဲ့ကြောင်းသိရသည်။
အဆိုပါသင်တန်းဆွေးနွေးပွဲတွင် မြို့နယ်ဆရာဝန်ကြီး ဒေါက်တာအောင်မျိုးမြတ်က အဖွင့်အမှာ စကားနှင့် ကိုဗစ်-၁၉ အိုမီခရွန်မျိုးကွဲ BA.4, BA.5 ရောဂါများနှင့် ကြိုတင်ကာကွယ်ရေး လုပ်ငန်းများအကြောင်း ဦးစွာပြောကြားပြီး၊ ဓမ္မသော်တိုက်နယ်ဆရာဝန်နှင့် တောင်လည် တိုက်နယ် ဆရာဝန်တို့မှ ကိုယ်ဝန်ဆောင်မိခင်များနှင့်မွေးကင်းစကလေးငယ်များစောင့်ရှောက်မှု ပေးနိုင်ရေးလုပ်ငန်းများအကြောင်းကို သင်တန်းပေး ဆွေးနွေးပြောကြားခဲ့ရာ သင်တန်းသို့ မြို့နယ် အတွင်းရှိ ကျန်းမာရေးဝန်ထမ်းများ တက်ရောက်ခဲ့ကြကြောင်း သိရသည်။
သတင်း - သန်းထွန်းအောင်
မြန်မာနေရှင်နယ်ပို့စ်
No comments:
Post a Comment