MNP ၊ ဇူလိုင် ၄
ရခိုင်ပြည်နယ် ၊ မောင်တောခရိုင်၊ မောင်တောမြို့၌ ခရိုင်စီမံအုပ်ချုပ်ရေးအဖွဲ့မှ ကြီးမှူး၍ မြို့နယ်အတွင်းရှိ သံဃာတော်များအား ဝါဆိုသင်္ကန်းဆက်ကပ်နိုင်ရေး လုပ်ငန်းညှိနှိုင်း အစည်းအဝေးကို ယနေ့ နေ့လယ် ၁ နာရီအချိန် ခရိုင် အထွေထွေအုပ်ချုပ်ရေးဦးစီးဌာနရုံး အစည်းအဝေး ခန်းမ ၌ ပြုလုပ်ခဲ့သည်။
ရှေးဦးစွာ ခရိုင်စီမံအုပ်ချုပ်ရေးအဖွဲ့ဥက္ကဋ္ဌ ၊ ခရိုင်အုပ်ချုပ်ရေးမှူး ဦးနေဦး က အဖွင့်အမှာစကားပြောကြားရာတွင် မြို့နယ်အတွင်းရှိ ထေရ်ကြီးဝါကြီး ဆရာတော်များ ၊ သံဃာတော်များအား ဝါဆိုသင်္ကန်း ဆက်ကပ် နိုင်ရေး အ တွက် ဆောင် ရွက်နေသည့် ကိစ္စရပ်များ ၊ လုပ်ငန်းတာဝန်များကို သက်ဆိုင်ရာ ဌာနများက ဆွေး နွေး တင် ပြကြရန် လို အပ် ကြောင်း ပြောကြားခဲ့သည်။ ဆက်လက်၍ ခရိုင်သာသနာရေးဦးစီးဌာန၊ ခရိုင်သာသနာ့ရေးမှူး ဦးကျော်ဇင်ဦး ၂၀၂၂ ခုနှစ် ၊ ဇူလိုင်လ ၁၂ ရက် ၊ ဝါဆို လပြည့်နေ့တွင် သာသနာ့ဗိမ္မာန်၌ ကိုဗစ်-၁၉ ရောဂါကာကွယ်နိုင်ရေး စည်းကမ်း ချက် များ နှင့် အညီ မြို့နယ် အတွင်းရှိ သံဃာတော်များအား ဝါဆိုသင်္ကန်း ဆက် ကပ် နိုင်ရေးအတွက် ယခုလက်ရှိ ဆောင် ရွက် နေသည့် အခြေအနေများ ၊ ဆက်လက် ဆောင်ရွက်မည့် အစီအစဉ်များအား ဆွေးနွေး တင်ပြခဲ့ပြီး မြို့နယ်စီမံ အုပ် ချုပ် ရေးအဖွဲ့ ဥက္ကဋ္ဌ ၊ မြို့နယ် အုပ်ချုပ်ရေးမှူး ဦးကံထွန်းအောင်က အလှူငွေ ရရှိနိုင် မည့် အခြေအနေများအား ရှင်း လင်း ပြော ကြားခဲ့သည်။
ထို့နောက် တက်ရောက်လာကြသော ဌာန ဆိုင်ရာများ တာဝန်ရှိသူများက အသီးသီး ဆွေးနွေး တင်ပြကြရာ တင်ပြချက်များအပေါ် ခရိုင်စီမံအုပ်ချုပ်ရေး အဖွဲ့ ဥက္ကဋ္ဌမှ ပေါင်းစပ် ညှိနှိုင်း ပေးခဲ့ကြောင်း သိရသည်။
သတင်း - သက်လွင်စိုး
https://t.me/MyanmarNationalPost
No comments:
Post a Comment