MNP - ဇူလိုင် ၁၄
ပဲခူးတိုင်းဒေသကြီး၊ ညောင်လေးပင်ခရိုင်၊ ဒိုက်ဦးမြို့နယ်၊ နတ်ကင်းကျေးရွာအုပ်စု၊ ကြီးပေါင်းစုကျေးရွာ မြစိမ်းရောင်ကျေးရွာ စီမံကိန်း(ဆီထွက်သီးနှံ) မိတ်ဆက်ရှင်းလင်းခြင်းနှင့် ကော်မတီဖွဲ့စည်းခြင်း အခမ်းအနားကို စိုက်ပျိုးရေးဆိုင်ရာ လူထုအခြေပြုစခန်း၌ ကျင်းပပြုလုပ်သည်။
အခမ်းအနားတွင် ဒိုက်ဦးမြို့နယ် ကျေးလက်ဒေသဖွံဖြိုးတိုးတက်ရေးဦးစီးဌာန လက်ထောက်ညွှန်ကြားရေးမှူး ဦးအောင်မြင့်ထွန်းက မြစိမ်းရောင်ကျေးရွာစီမံကိန်း (ဆီထွက်သီးနှံ) အကြောင်းအရာများ၊ အကျိုးကျေးဇူးများကို ရှင်းလင်းပြောကြားပြီးနောက် ကော်မတီဝင် ၇ ဦးကိုအများဆန္ဒနှင့်အညီ ရွေးချယ်ဖွဲ့စည်းပေးခဲ့ပါသည်။
ပဲခူးတိုင်းဒေသကြီး၊ ညောင်လေးပင်ခရိုင်၊ ဒိုက်ဦးမြို့နယ်၊ ကျေးလက်ဒေသဖွံဖြိုး တိုးတက်ရေးဦးစီးဌာန၏ ၂၀၂၂-၂၀၂၃ဘဏ္ဍာရေးနှစ်တွင် မြစိမ်းရောင်ကျေးရွာစီမံကိန်း (ဆီထွက်သီးနှံ)ကို Type-1 (၂) ရွာ၊ Type-2(၃)ရွာ စုစုပေါင်း (၅)ရွာ အကောင်အထည်ဖော် ဆောင်ရွက်သွားမည်ဖြစ်ပြီးချေးငွေကို နေကြာစိုက်တောင်သူများ၊ အခြားဆီထွက် သီးနှံစိုက်တောင်သူများ၊ အခြားသီးနှံစိုက်တောင်သူများနှင့် အသက်မွေးဝမ်းကျောင်း အထောက်အကူပြုလုပ်ငန်း လုပ်ငန်းလုပ်ကိုင်သူများကို ချေးငွေများထုတ်ချေးပေးသွားမည်ဖြစ်ကြောင်း သတင်းရရှိသည်။
မြန်မာနေရှင်နယ်ပို့စ်
No comments:
Post a Comment