MNP - ဇူလိုင် ၂၂
မကွေးခရိုင် အားကစားနှင့် ကာယပညာကော်မတီဥက္ကဋ္ဌဖလား (၆) မြို့နယ် အသက်(၁၆) နှစ်အောက် အမျိုးသားဘောလုံးပြိုင်ပွဲ ဆုပေးပွဲအခမ်းအနားကို ယမန်နေ့ မွန်းလွဲ ၃ နာရီအချိန်က မကွေးခရိုင် အားကစားကွင်းတွင် ကျင်းပခဲ့ကြောင်း သိရသည်။
၂၀၂၂ ခုနှစ်၊ မကွေးခရိုင် အားကစားနှင့် ကာယပညာကော်မတီဥက္ကဋ္ဌဖလား (၆)မြို့နယ် အသက် (၁၆) နှစ်အောက် အမျိုးသားဘောလုံးပြိုင်ပွဲတွင် ဗိုလ်လုပွဲအဖြစ် မကွေးမြို့နယ် အသင်းနှင့် တောင်တွင်းကြီးမြို့နယ်အသင်းတို့က ယှဉ်ပြိုင်ကစားကြရာ မကွေးမြို့နယ်အသင်းမှ ပထမဆု ရရှိခဲ့ကြောင်း သိရသည်။
ထို့နောက် မကွေးခရိုင်စီမံအုပ်ချုပ်ရေးအဖွဲ့ဥက္ကဋ္ဌ ဦးမောင်ထူးနှင့် တာဝန်ရှိသူများက အသက်(၁၆) နှစ်အောက် အမျိုးသားဘောလုံးပြိုင်ပွဲတွင် အသင်းအလိုက် ပထမဆု၊ ဒုတိယဆုရရှိသော မကွေးမြို့နယ်အသင်းနှင့် တောင်တွင်းကြီးမြို့နယ်အသင်းတို့အား ဆွဲပြား၊ ဆုကလပ်နှင့် ငွေသားဆုများအားလည်းကောင်း၊ တစ်ဦးချင်းအကောင်းဆုံးဆု ရရှိသော ကစားသမားများအား ဆုကလပ်နှင့် ငွေသားဆုများ အသီးသီးချီးမြှင့်ခဲ့ကြောင်း သိရသည်။
သတင်း - ကိုအောင်
မြန်မာနေရှင်နယ်ပို့စ်
No comments:
Post a Comment