MNP ၊ ဇူလိုင် ၁၄
ရခိုင်ပြည်နယ်၊ သံတွဲခရိုင်၊ ငပလီမြို့အတွင်းရှိ အခြေခံပညာကျောင်းများမှ အသက်(၅)နှစ်မှ(၁၂)နှစ်အတွင်းရှိ ကျောင်းသား၊ကျောင်းသူများကို ယနေ့ နံနက် (၁၀)နာရီက ပထမအကြိမ်နှင့် ဒုတိယအကြိမ် ကိုဗစ်-၁၉ ရောဂါကာကွယ်ဆေးကိုအမက( ငပလီ)ကျောင်းတွင်ထိုးနှံပေးလျက်ရှိသည်။
ထိုသို့ကိုဗစ်-၁၉ရောဂါကာကွယ်ဆေးထိုးနှံရာတွင် ကျန်းမာရေးဝန်ကြီးဌာနက ထုတ်ပြန်ထားသည့် ကိုဗစ်-၁၉ရောဂါ ကြိုတင်ကာကွယ်ရေး လမ်းညွှန်ချက်များနှင့်အညီ ထိုးနှံပေးလျက်ရှိပြီး၊ ဆေးထိုးနှံပြီးသည့်သူများကိုမိနစ်(၃၀)ခန့်စောင့်ကြည့်ပြီးမှ ပြန်လည်ထွက်ခွါခွင့်ပြုကြောင်း သိရသည်။
ငပလီမြို့အတွင်းရှိ အခြေခံပညာကျောင်းများတွင် မိဘအုပ်ထိန်းသူတို့၏ ခွင့်ပြုချက်ဖြင့် ကိုဗစ်-၁၉ရောဂါ ကာကွယ်ဆေး ပထမအကြိမ်ကို ယနေ့ကျောင်းသား/ကျောင်းသူစုစုပေါင်း(၅၂)ဦးနှင့် ဒုတိယအကြိမ်ကို (၄၉၀)ဦး ထိုးနှံပေးလျက်ရှိသည်။ ကိုဗစ်-၁၉ရောဂါကာကွယ်ဆေးကိုအဆင်ပြေချောမွေ့စွာ ထိုးနှံနိုင်စေရေးအတွက် ငပလီမြို့အထွေထွေအုပ်ချုပ်ရေးဦးစီးဌာနမှအုပ်ချုပ်ရေး အဖွဲ့ဝင်များ၊ မြို့နယ်ဌာနဆိုင်ရာတာဝန်ရှိသူများ၊ မြို့နယ်ပညာရေးဌာနမှ တာဝန်ရှိသူများ၊ရပ်ကွက်/ကျေးရွာအုပ်ချုပ်ရေးမှူးများနှင့် စာရေးဝန်ထမ်းများ၊ များကဝိုင်းဝန်းပူးပေါင်းကူညီ ဆောင်ရွက်ပေးခဲ့ကြကြောင်း သိရသည်။
https://t.me/MyanmarNationalPost
No comments:
Post a Comment