MNP - သြဂုတ် ၁၉
တနင်္သာရီတိုင်းဒေသကြီး၊ ကော့သောင်းခရိုင်၊ ကော့သောင်းမြို့၊ အမှတ်(၂)အခြေခံပညာ အထက်တန်းကျောင်း၊ ကျောင်းကောင်စီ အားကစားပြိုင်ပွဲဖွင့်ပွဲ အခမ်းအနားကို ရွှေပြည်စိုးကျေးရွာ၊ အထက(၂) ဘောလုံးကွင်းတွင် ကျင်းပပြုလုပ်သည်။
ရှေးဦးစွာ ပြိုင်ပွဲဝင်အားကစားအဖွဲ့များမှ စစ်ကြောင်းပုံဖြင့်ချီတက်ကာ ကွင်းအတွင်းနေရာယူကြပြီး အခမ်းအနားအား စစ်ဗျူဟာအဖွဲ့(ကော့သောင်း) စစ်ဗျူဟာမှူးဗိုလ်မှူးကြီးအောင်ဇော်လင်း၊ မြို့နယ်ပညာရေးမှူး ဒေါ်သန်းစိုးတို့က ဖဲကြိုးဖြတ်ဖွင့်လှစ်ပေးသည်။ ယင်းနောက် အားကစားအဖွဲ့များက အားကစားသစ္စာအဓိဋ္ဌာန်ရွတ်ဆို၍ ခရိုင်အား/ကာမှူး လက်ထောက်ညွှန်ကြားရေးမှူး ဦးခင်မောင်ဦးမှ ပြိုင်ပွဲအဖွင့်အမှာစကားပြောကြားသည်။
အဆိုပါအားကစားပြိုင်ပွဲအား ၂၀၂၂-၂၀၂၃ ပညာသင်နှစ်အတွင်း တက်ရောက်ပညာ သင်ကြားလျက်ရှိသည့် ကျောင်းသား/ကျောင်းသူ အားကစား မောင်မယ်များက ပြေးခုန်ပစ် အားကစားမျိုးစုံတို့ဖြင့် ပါဝင်ယဉ်ပြိုင်ကြမည်ဖြစ်ကြောင်း သတင်းရရှိသည်။
သတင်း - ကျော်စိုး
မြန်မာနေရှင်နယ်ပို့စ်
No comments:
Post a Comment