MNP - သြဂုတ် ၁
ဧရာဝတီတိုင်းဒေသကြီး မအူပင်ခရိုင် ပန်းတနော်မြို့နယ် ရွှေမြင်တင်ကျေးရွာတွင် ယမန်နေ့က မီးလောင်မှုဖြစ်ပွားခဲ့သော နေအိမ်တစ်လုံးအား ယနေ့ နံနက်ပိုင်း၌ အထွေထွေအုပ်ချုပ်ရေးဦးစီးဌာန အစည်းအဝေးခန်းမတွင် ထောက်ပံ့ငွေပေးအပ်ခဲ့သည်။
အဆိုပါ မီးလောင်မှုဖြစ်ပွားခဲ့သောနေအိမ် (၁)လုံး၊ အိမ်ထောင်စု (၁)စု၊ လူဦးရေ (၃)ဦးအတွက် အိမ်ဆောက် ပစ္စည်းဖိုးငွေကျပ် ၂၀၀,၀၀၀/-၊ ဆန်ရိက္ခာတစ်ဦးလျှင် ငွေကျပ် ၂,၁၀၀/-နှုန်းဖြင့် လူဦးရေ (၃)ဦးအတွက် ငွေကျပ် ၆,၃၀၀/-နှင့် ကယ်ဆယ်ရေးပစ္စည်း (၁၈)မျိုးပါ ပလတ်စတစ်ပုံး (၁)ပုံးတို့အား ဒုတိယမြို့နယ်အုပ်ချုပ်ရေးမှူး ဦးကျော်စစ်လင်းနှင့် မအူပင်ခရိုင် ဘေးအန္တရာယ်ဆိုင်ရာ စီမံခန့်ခွဲမှုဦးစီးဌာန ဦးစီးအရာရှိ ဦးဟန်လင်းထွဋ်တို့မှ မီးဘေးသင့် အိမ်ထောင်စုထံသို့ ထောက်ပံ့ပေးအပ်ခဲ့ကြောင်း သိရသည်။
မီးလောင်မှုကြောင့် မီးပေါ့ဆစွာသုံးစွဲသူ ဦးခိုင်ကျော်ဦးအား ပန်းတနော်မြို့မရဲစခန်းမှ (ပ) ၈၀/ ၂၀၂၂ ရာဇသတ်ကြီး ပုဒ်မ (၂၈၅)ဖြင့် အမှုဖွင့်အရေးယူထားကြောင်း သိရသည်။
မြန်မာနေရှင်နယ်ပို့စ်
No comments:
Post a Comment