MNP - ဩဂုတ် ၃၀
ရှမ်းပြည်နယ်တောင်ပိုင်း၊ နမ့်စန်မြို့နယ်တွင် ရပ်ကွက်နှင့်ကျေးရွာအုပ်စုအုပ်ချုပ်ရေးမှူးများနှင့် စာရေးဝန်ထမ်းများ လုပ်ငန်းစွမ်းဆောင်ရည်မြင့်မားရေးသင်တန်း အမှတ်စဉ် (၁/၂၀၂၂) ဖွင့်ပွဲ အခမ်းအနားကို ယမန်နေ့နံနက် (၉) နာရီက မြို့နယ်အထွေထွေအုပ်ချုပ်ရေးဦးစီးဌာန အစည်းအဝေးခန်းမတွင် ကျင်းပခဲ့သည်။
ရှေးဦးစွာ မြို့နယ်စီမံအုပ်ချုပ်ရေးအဖွဲ့ ဥက္ကဌ ၊ မြို့နယ်အုပ်ချုပ်ရေးမှူး ဦးကျော်မိုးက သင်တန်းဖွင့်အမှာစကားပြောကြားခဲ့ပြီး ဒုတိယမြို့နယ်အုပ်ချုပ်ရေးမှူး ဦးအောင်မင်းစိုးက သင်တန်းဖွင့်လှစ်ရခြင်း၏ ရည်ရွယ်ချက်နှင့် သင်တန်းစည်းမျဉ်း၊ စည်းကမ်းများကို ရှင်းလင်း ပြောကြားခဲ့သည်။
အဆိုပါ လုပ်ငန်းစွမ်းဆောင်ရည်မြင့်မားရေးသင်တန်းကို ဩဂုတ်လ (၂၉) ရက်မှ (၃၁) ရက်နေ့ထိ (၃)ရက်ကြာဖွင့်လှစ်၍ အထွေထွေအုပ်ချုပ်ရေးဦးစီးဌာန၏ ဝန်ထမ်းဥပဒေ ၊ နည်းဥပဒေ ၊ ရုံးလုပ်ငန်းလက်စွဲ ၊ ရပ်/ကျေးဥပဒေ ၊ နည်းဥပဒေနှင့် ဌာနဆိုင်ရာ ၁၄ ခု၏ လုပ်ထုံးလုပ်နည်းများ ၊ ညွှန်ကြားချက်များကို သက်ဆိုင်ရာတာဝန်ရှိသူများနှင့် ဌာနဆိုင်ရာအကြီးအကဲများက သင်ကြားပို့ချပေးသွားမည်ဖြစ်ပြီး နမ့်စန်မြို့နယ်နှင့် ခိုလမ်မြို့တို့မှ ရပ်/ကျေး အုပ်ချုပ်ရေးမှူးများနှင့် စာရေးဝန်ထမ်းများ စုစုပေါင်း (၅၅) ဦး တက်ရောက်သင်ကြားလျက်ရှိကြောင်း သိရသည်။
သတင်း - သူရအောင်
မြန်မာနေရှင်နယ်ပို့စ်
No comments:
Post a Comment