MNP - ဩဂုတ် ၂
ရန်ကုန်တိုင်းဒေသကြီး၊ ဒဂုံမြို့သစ်(အရှေ့ပိုင်း)မြို့နယ်တွင် အသက် ၅ နှစ်မှ ၁၂ နှစ်အတွင်းရှိ အခြေခံပညာကျောင်းများနှင့် ဘုန်းတော်ကြီးကျောင်းရှိ ကျောင်းသား/သူများအား ကိုဗစ်-၁၉ ရောဂါကာကွယ်ဆေး ဒုတိယအကြိမ်ထိုးနှံပေးခြင်းကို အခြေခံပညာမူလတန်းကျောင်း (၅),(၁၂),(၁၃),(၂၂)၊ အမှတ် (၂၃) အခြေခံပညာ မူလတန်းလွန်ကျောင်းနှင့် တိက္ခာရာမဘုန်းတော်ကြီးကျောင်းများတွင် ယမန်နေ့ နံနက် ၉ နာရီက ကွင်းဆင်းထိုးနှံ ပေးလျက်ရှိကြောင်း သိရသည်။
အဆိုပါ ကာကွယ်ဆေးထိုးနှံပေးရာတွင် မြို့နယ်စီမံအုပ်ချုပ်ရေးအဖွဲ့၏ ဦးဆောင်မှုဖြင့် မြို့နယ်ပညာရေးဌာန အခြေခံပညာကျောင်းများ၊ ဘုန်းတော်ကြီးသင် ကျောင်းများမှ ဆရာ၊ ဆရာမများ၊ မြို့နယ်ပြည်သူ့ကျန်းမာရေးဦးစီးဌာန တာဝန်ရှိသူတို့ဖြင့် ပူးပေါင်း၍ အမှတ် (၂၃) အခြေခံပညာ မူလတန်းလွန်ကျောင်း (၂၁၅) ဦး၊ အခြေခံပညာမူလတန်းကျောင်းများဖြစ်သော (၅),(၁၂),(၁၃)၊ (၂၂)ကျောင်းများမှ (၆၄)ဦး၊ တိက္ခာရာမဘုန်းတော်ကြီးကျောင်းတွင် (၁၁၂)ဦး စုစုပေါင်း (၃၉၁) ဦး ထိုးနှံပေးခဲ့ပြီးနောက် ၎င်းကျောင်းများမှ အကြောင်းအမျိုးကြောင့် ပထမအကြိမ်မထိုးနှံရသည် ကျောင်းသား၊ ကျောင်းသူ(၁၅)ဦး တို့အားလည်း ကျန်းမာရေးဝန်ကြီးဌာနမှ ထုတ်ပြန်ထားသည့် ကိုဗစ်-၁၉ ရောဂါ ကြိုတင်ကာကွယ်ရေး လမ်းညွှန်ချက်များ နှင့်အညီ ကိုဗစ်-၁၉ ရောဂါ ကာကွယ်ဆေးများကို ဒုတိယအကြိမ်သွားရောက်၍ ကွင်းဆင်းထိုးနှံပေးလျက်ရှိပြီး ကျန်ရှိနေသောကျောင်းများသို့လည်း သတ်မှတ်ရက်များအတိုင်း ဆက်လက် ထိုးနှံပေးသွားမည်ဖြစ်ကြောင်း သိရသည်။
ထို့နောက် ကိုဗစ်-၁၉ ရောဂါ ကာကွယ်ဆေးထိုးနှံရာတွင် အဆင်ပြေချောမွေ့မှုရှိစေရန် မြို့နယ်စီမံအုပ်ချုပ်ရေး အဖွဲ့ဝင်များ၊ မြို့နယ်ပြည်သူ့ ကျန်းမာရေးဦးစီးဌာနမှ ဝန်ထမ်းများ၊ မြို့မိမြို့ဖများ၊ လူမှုကူညီရေးအသင်းဝင်များ၊ မြို့နယ်ပညာရေးဌာနမှ ဝန်ထမ်းများ၊ ကြက်ခြေနီတပ်ဖွဲ့ဝင်များ ဝိုင်းဝန်း၍ လိုအပ်သည်များ ပူးပေါင်းဆောင်ရွက်ပေးခဲ့ကြောင်း သတင်းရသည်။
သတင်း - ဝင်းအိမွန်
မြန်မာနေရှင်နယ်ပို့စ်
No comments:
Post a Comment