MNP ၊ ဩဂုတ် ၂၈
ရခိုင်ပြည်နယ် ၊ မောင်တောမြို့နယ် ကညင်တန်းကျေးရွာအနီး ဩဂုတ် ၂၆ ရက် (၁၆:၁၅)မိနစ် အချိန် လမ်း လျှောက်လာသူ အမျိုးသား တစ်ဦးထံမှ ဆေးခြောက်များ ဖမ်းဆီးရမိ ခဲ့ကြောင်းသိရသည်။
ဖြစ်စဉ်မှာ မူးယစ်ရဲတပ်ဖွဲ့စု(၄၆)မောင်တော နှင့် လုံခြုံရေးတပ်ဖွဲ့ဝင်များ ပူးပေါင်းအဖွဲ့သည် သတင်းအရ မောင် တောမြို့ ၊ ကညင်တန်းရပ်ကွက်၊ ICRC ရုံးအနီး ၊ နထလရုံး အဝင်လမ်းပေါ်တွင် မသင်္ကာဖွယ် လမ်းလျှောက်လာသူ ရပ်ရှား (ကျား) အား စစ်ဆေးရာ ၎င်းဝတ်ဆင်ထားသော အဖြူ/အနက် ကွက်စိပ်ပုဆိုး၏ ခါးပုံစအတွင်း အကြည်ရောင် ကြွပ်ကြွပ် အိတ်ဖြင့် ထုပ်ထားသည့် ဆေးခြောက်ဟုယူဆရသော အရိုး ၊ အရွက် ၊ အစေ့ ၊ အခြောက်ရောရာပါ ၁၅ ဂရမ်ခန့် အထုပ် တစ်ထုပ် နှင့် ၎င်းကိုင်ဆောင်ထားသော Radmi MIUI အမျိုးအစား အနက်ရောင် လက်ကိုင်ဖုန်း(၁)လုံးအား ရှာဖွေ တွေ့ရှိသိမ်းဆည်းပြီး မူးယစ်ဆေးဝါးများ နှင့်အတူ တွေ့ရှိသူ ရပ်ရှား(ကျား)(ဘ)မူဇာလာ ၊ အသက် ၂၄ နှစ် ၊ ဟိန္ဒူလူမျိုး၊ မြို့မအရှေ့ရပ်ကွက် နေထိုင်သူ နှင့် ဆေးခြောက်များ ရောင်းချပေးသူ အသက်(၂၆)နှစ်အရွယ် ရွှေဇားကျေးရွာ အုပ်စု ၊ ဂုံးနားကျေးရွာနေသူ (ဖမ်းမမိသေး)တို့ နှစ်ဦးအား မြို့မရဲစခန်း(မောင်တော) မယ(ပ) ၃၀/၂၀၂၂ ၊ မူး/စိတ်ပုဒ်မ ၁၆(ဂ)/၂၁ အရ အမှု ဖွင့် လှစ်ကာ အရေး ယူနိုင်ရေး စီစဉ် ဆောင်ရွက် လျှက် ရှိ ပြီး တရားခံအား သက်ဆိုင် ရာမှ အမြန်ဆုံး ဖမ်းဆီး နိုင်ရေး စီစဉ် ဆောင်ရွက်လျက် ရှိကြောင်း သိရသည်။
ဝေလ(မောင်တော)
https://t.me/MyanmarNationalPost
No comments:
Post a Comment