MNP - ဩဂုတ် ၂၄
ပဲခူးတိုင်းဒေသကြီး၊ ပြည်ခရိုင် ပေါက်ခေါင်းမြို့၌ အသက် ၆ လမှ ၅ နှစ်အရွယ်အတွင်း ကလေးငယ်များကို ဗီတာမင် A နှင့်သန်ချဆေးများ တိုက်ကျွေးပေးခြင်းလုပ်ငန်းများကို ယနေ့နံနက် ၉ နာရီအချိန်မှ စတင်၍ ပေါက်ခေါင်းမြို့နယ် ပြည်သူ့ကျန်းမာရေးဦးစီးဌာနမှ ကျန်းမာရေးဝန်ထမ်းဆရာမများနှင့် ပူးပေါင်းအဖွဲ့များက အမှတ်(၃)ရပ်ကွက် အုပ်ချုပ်ရေးမှူးရုံးတွင် တိုက်ကျွေးပေးလျက်ရှိသည်။
ထိုသို့ဗီတာမင် A နှင့် သန်ချဆေးများ တိုက်ကျွေးပေးရာတွင် ပြည်သူ့ကျန်းမာရေးဦးစီးဌာနမှ အမျိုးသမီးကျန်းမာရေး ဆရာမများနှင့် သားဖွားဆရာမများက အသက် ၆ လမှ ၂ နှစ်အရွယ်ထိ ကလေးငယ်များကို ဗီတာမင် A ဆေးတစ်မျိုးသာ တိုက်ကျွေးပေးပြီး၊ အသက် ၂ နှစ်မှ ၅ နှစ်အထိ ကလေးငယ်များကို ဗီတာမင် A နှင့် သန်ချဆေးနှစ်မျိုးလုံးကို တိုက်ကျွေးပေးခဲ့သည်။ အဆိုပါဆေးများ တိုက်ကျွေးပေးရာသို့ ကလေးမိဘများမှ ကလေးမွေးစာရင်း မူရင်းစာရွက်ကို တစ်ပါတည်း ယူဆောင်လာရပြီး၊ နောက်ရက်များတွင်လည်း ကျန်ရှိနေသည့် ရပ်ကွက်များသို့ ဆက်လက်တိုက်ကျွေးပေးမည်ဖြစ်ကြောင်း သိရသည်။
သတင်း - သန်းထွန်းအောင်
မြန်မာနေရှင်နယ်ပို့စ်
No comments:
Post a Comment