MNP - သြဂုတ် ၁
ဧရာဝတီတိုင်းဒေသကြီး၊ ဖျာပုံခရိုင်၊ ဖျာပုံမြို့နယ်တွင် ခရိုင်စားသုံးသူရေးရာ ဦးစီးဌာနမှ ဦးဆောင်၍ မြို့နယ်ဆီလုပ်ငန်းရှင်များက ပြည်သူများဈေးနှုန်းချိုသာစွာ ဆီဝယ်ယူနိုင်ရေး အတွက် အမှတ်(၆)ရပ်ကွက် ရွှေကောင်းစံဆီဆိုင်တွင် လူတစ်ဦးလျှင် တစ်ပိဿာနှုန်းဖြင့် စားအုန်းဆီ တစ်ပိဿာလျှင် ၃,၈၅၀/-ကျပ်နှုန်း ရည်ညွှန်းဈေးဖြင့် ရောင်းချပေးခြင်းကို သြဂုတ်လ(၁)ရက်နေ့ နံနက်ပိုင်းတွင် စတင်ရောင်းချပေးလျက်ရှိကြောင်း သိရသည်။
အဆိုပါစားအုန်းဆီများ ဈေးနှုန်းချိုသာစွာဖြင့် ဝယ်ယူနိုင်ရေး ဆောင်ရွက်ရာတွင် ဖျာပုံခရိုင်စားသုံးသူရေးရာ ဦးစီးဌာန၊ ခရိုင်ဦးစီးမှူး ဦးထွေးသိမ်းနှင့် ဝန်ထမ်းများ၊ ရွှေကောင်းစံဆီဆိုင်ပိုင်ရှင် ဦးမျိုးမင်းထွဋ်နှင့် ဝန်ထမ်းများ ကစားအုန်းဆီ တစ်ပိဿာလျှင် ၃,၈၅၀/-ကျပ်နှုန်း ရည်ညွှန်းဈေးဖြင့် လူတစ်ဦးလျှင် တစ်ပိဿာနှုန်း ရောင်းချပေးရာ ဖျာပုံမြို့နယ် အနေဖြင့် စားအုန်းဆီပေပါ(၁၀)လုံးကို ဈေးနှုန်းချိုသာစွာဖြင့် ရောင်းချပေးလျက် ရှိကြောင်း ခရိုင်စားသုံးသူရေးရာဦးစီးဌာနမှ သိရှိရသည်။
သတင်း - အောင်ဝင်းနိုင်
မြန်မာနေရှင်နယ်ပို့စ်
No comments:
Post a Comment