MNP ၊ သြဂုတ် ၄
ရခိုင်ပြည်နယ်၊ သံတွဲခရိုင်၊ ဂွမြို့တွင် သစ်တောဦးစီးဌာနမှ ဦးစီးအရာရှိ ဦးငြိမ်းချမ်းနှင့် ဝန်ထမ်းများ၊ ဒုရဲအုပ် မင်းနိုင်ဦး ဦးဆောင်သော ရဲတပ်ဖွဲ့ဝင်များနှင့် ကျေးရွာအုပ်ချုပ်ရေးမှူးပါဝင်သော ပူးပေါင်းအဖွဲ့သည် ယမန်နေ့ နေ့လည်ပိုင်းက ဗေဒါ(၂)ဘိနယ်အတွင်းရှိ တောင်ညိုကြိုးပြင် ကာကွယ်တော၊ အကွက်အမှတ်(၁၅၀) ဒေသအခေါ် ဂွေးချောင်းပေါက်တွင် နယ်မြေရှင်းလင်းခြင်း လုပ်ငန်းများဆောင်ရွက်စဉ် တရားမဝင် သစ်ပုပ်ခွဲသား (၉၅) ချောင်း ၊(၁၁.၈၅၃၆)တန်၊ ဒေသပေါက်ဈေး-၁၄၄၀၀၀၀ ကျပ်အား ပိုင်ရှင်မဲ့ဖမ်းဆီးရမိခဲ့ကြောင်း မြို့နယ်ရဲတပ်ဖွဲ့ထံမှ သိရသည်။
အဆိုပါဖမ်းဆီးရမိသော သစ်ပုပ်ခွဲသားများအား မြန်မာ့ သစ်လုပ်ငန်း၊ မာလာကွင်း သစ်ဆိပ်သို့ သယ်ယူရန် ဆောင်ရွက်လျက်ရှိကြောင်းနှင့် သစ်တောဦးစီးဌာန ၏ လုပ်ထုံးလုပ်နည်းနှင့်အညီ ဆက်လက် ဆောင်ရွက်သွားမည်ဖြစ်ကြောင်း သိရသည်။
သတင်း - မိုးစက်
https://t.me/MyanmarNationalPost
No comments:
Post a Comment