MNP - သြဂုတ် ၆
မကွေးတိုင်းဒေသကြီး၊ အောင်လံခရိုင်၊ ဆင်ပေါင်ဝဲမြို့နယ်အတွင်းရှိ ကျေးရွာပြည်သူများ၏ ဒေသဖွံ့ဖြိုးရေးလုပ်ငန်းများအတွက် ဆင်ပေါင်ဝဲမြို့နယ် စီမံအုပ်ချုပ်ရေးအဖွဲ့ဥက္ကဋ္ဌ ဦဂချန်ဖီယာန်နှင့်အဖွဲ့ဝင်များ၊ ဌာနဆိုင်ရာတာဝန်ရှိသူများက ယမန်နေ့က မကြီးကုန်းကျေး ရွာစာသင်ကျောင်းအတွင်းသို့ သွားရောက်၍ ဒေသခံပြည်သူများနှင့် တွေ့ဆုံဆွေးနွေးခဲ့ကြောင်း သိရသည်။
အဆိုပါတွေ့ဆုံဆွေးနွေးပွဲတွင် မြို့နယ်စီမံအုပ်ချုပ်ရေးအဖွဲ့ဥက္ကဋ္ဌ ဦးချန်ဖီယာန်မှ ပညာရေး၊ ကျန်းမာရေး၊ စိုက်ပျိုးရေး၊ မိမိရပ်ရွာဖွံ့ဖြိုးတိုးတက်ရေးလုပ်ငန်းများ ဆောင်ရွက်နိုင်ရန်အတွက် ယခုလို တွေ့ဆုံဆွေးနွေးရခြင်းဖြစ်ကြောင်း ရှင်းလင်းပြောကြားခဲ့သည်။
ဆက်လက်၍ မြို့နယ်စီမံအုပ်ချုပ်ရေးအဖွဲ့ အဖွဲ့ဝင်(၁)ဗိုလ်မှူး မျိုးဇော်ဟိန်းက ကျေးရွာနေ ပြည်သူများသိရှိလိုက်နာနိုင်ရန် လုံခြုံရေးဆိုင်ရာ ကိစ္စရပ်များကိုလည်းကောင်း၊ မြို့နယ် လူဝင်မှုကြီးကြပ်ရေးနှင့်ပြည်သူ့အင်အားဦးစီးဌာနမှ ဦးစီးမှူးဦးစောလှမောင်က နိုင်ငံသား စိစစ်ရေးကတ်ပြားအတုပြုလုပ်ခြင်းနှင့်ပတ်သက်၍ ပြစ်မှု/ပြစ်ဒဏ်များကိုလည်းကောင်း၊ မြို့နယ်ပညာရေးမှုး ဒေါ်မြင့်မြင့်စိန်က ကျောင်းနေအရွယ်ကလေးများ ကျောင်းအပ်နှံရေးနှင့် ကျောင်းသား/ကျောင်းသူများ ကျောင်းနေပျော်စေရေးအတွက် မိဘပြည်သူများ ဝိုင်းဝန်းပူးပေါင်း ဆောင်ရွက်ရေးကိုလည်းကောင်း၊ မြို့နယ်ကျန်းမာရေးဦးစီးဌာနမှူး ဒေါက်တာမွန်စိုးရီက သွေးလွန်တုပ်ကွေးရောဂါနှင့် ကိုဗစ်-၁၉ ကာကွယ်ဆေးအား ရာနှုန်းပြည့်ထိုးနှံရန် ပြောကြားခဲ့ပြီး သက်ဆိုင်ရာဌာနဆိုင်ရာများမှ မိမိတို့၏ ဌာနလုပ်ငန်းများကို အသီးသီးဆွေးနွေးပြော ကြားကြသည်။
ထို့နောက် တက်ရောက်လာသည့် ဒေသခံပြည်သူများမှ မိမိတို့ရပ်ရွာဒေသဖွံ့ဖြိုးတိုးတက်ရေး အတွက် ဆောင်ရွက်လိုသည့် လုပ်ငန်းများနှင့်စပ်လျဉ်းပြီး သိရှိလိုသည်များကို မေးမြန်း ဆွေးနွေးကြရာ မြို့နယ်စီမံအုပ်ချုပ်ရေးအဖွဲ့ ဥက္ကဋ္ဌဦးချန်ဖီယာန်နှင့် ဌာနဆိုင်ရာတာဝန်ရှိ သူများက ပြန်လည်ရှင်းလင်းဖြေကြားခဲ့သည်။
ထို့နောက် မြို့နယ်ကျန်းမာရေးဦးစီးဌာန၊ မြို့နယ်စိုက်ပျိုးရေးဦးစီးဌာနနှင့် မြို့နယ်လျှပ်စစ်မှူးရုံးတို့မှ အသိပညာပေးလက်ကမ်းစာစောင်များအား ဒေသခံပြည်သူများ၏ လက်ဝယ်အရောက် ဖြန့်ဝေပေးခဲ့ကြောင်း သိရသည်။
သတင်း - ခန့်ဝင်း
မြန်မာနေရှင်နယ်ပို့စ်
No comments:
Post a Comment