MNP ၊ သြဂုတ်လ ၂၅
တနင်္သာရီတိုင်ဒေသကြီး၊ ထားဝယ်ခရိုင် ၊ ကလိန်အောင်မြို့ပြန်ကြားရေးနှင့်ပြည်သူ့ဆက်ဆံရေးဦးစီးဌာနမှ ကျောင်းသူ/သားများအား ဝါတွင်းကာလဥပုဒ်ကျောင်းပိတ်ရက်များတွင်အချိန်ကို အကျိုးရှိရှိနှင့်စိတ်ကူး စိတ်သန်း၊ ဉာဏ်ရည်ဖွံ့ဖြိုးတိုးတက်စေရေး စိတ်အပန်းဖြေပျော်ရွှင်စေရေးအတွက်ပုံပြင်ပြောပြခြင်းများကို လေ့ကျင့်ပြုလုပ်ပေးလျက်ရှိရာ ယနေ့ နံနက် ၁၀ နာရီခွဲအချိန်က ကလေးစာဖတ်ခန်းမအတွင်း ပုံပြင်ပြောပြခြင်းများပြုလုပ်ပေးလျက်ရှိသည်။
အဆိုပါ ပြိုင်ပွဲတွင် ကလေးစာဖတ်ခန်းသို့ ကျောင်းပိတ်ရက်အတွင်းလာရောက်လေ့ရှိကြသည့် အထက-ကလိန်အောင်ကျောင်းမှ မူလတန်း အဆင့်ကျောင်းသား/သူ(၂၀)ဦးအား မြို့ပြန်ကြားရေးနှင့်ပြည်သူ့ဆက်ဆံရေးဦးစီးဌာနမှ စာကြည့်တိုက်လက်ထောက်-၃ ဒေါ်ခင်ခင်လဲ့က ပုံပြင်ပြောပြပြီး အဖွဲ့လိုက်အနေဖြင့်ပြိုင်ပွဲများပြုလုပ်၍ စာဖတ်ခြင်း၊ ပုံပြင်ပြောပြခြင်း၊ အိမ်ဆောက်ဂိမ်းပြိုင်ပွဲ၊ ဆေးရောင်ခြယ်ပြိုင်ပွဲများကို လေ့ကျင့်ယှဉ်ပြိုင်စေခဲ့ရာ ကျောင်းသူ/သားများက ပျော်ရွှင်စွာ ယှဉ်ပြိုင်ကစားကြပြီး အကောင်းဆုံးပါဝင်ယှဉ်ပြိုင်နိုင်သူအား အမှတ်တရလက်ဆောင်ပေးအပ်ပြီး အာဟာရမုန့်များကျွေးမွေးခဲ့ကြောင်း သိရသည်။
ခင်ခင်လဲ့
https://t.me/MyanmarNationalPost
No comments:
Post a Comment