MNP - ဩဂုတ် ၂၀
တံတားဦးမြို့ ပြန်ကြာရေးနှင့်ပြည်သူ့ဆက်ဆံရေးဦးစီးဌာနနှင့် အခြေခံပညာဦးစီးဌာနတို့ ပူးပေါင်းပြီး မြို့နယ်ပြည်သူ့စာကြည့်တိုက် (Community Centre)ခန်းမတွင် ပုံပြင်ပြောပြိုင်ပွဲနှင့် ကဗျာရွတ်ဆိုပြိုင်ပွဲတို့ကို ယနေ့နံနက်(၁၀)နာရီက၌ ကျင်းပကြောင်း သိရသည် ။
အခမ်းအနားတွင် မြို့နယ်ပြန်ကြားရေးနှင့်ပြည်သူ့ဆက်ဆံရေးဦးစီးဌာန ဦးစီးအရာရှိ ဦးဘိုမောင်က ကျောင်းသား/ သူများအား အချိန်ကို အကျိုးရှိစွာ အသုံးချတက်စေရန်၊ ဉာဏ်ရည်ဉာဏ်သွေး ထက်မြက်လာစေရန်နှင့် အာဇာနည်နေ့အကြောင်းအရာများ သိရှိစေရန် ရည်ရွယ်၍ ကျင်းပပေးခြင်းဖြစ်ကြောင်း ပြောကြားပြီး မြို့နယ်ပြန်ကြားရေးနှင့်ပြည်သူ့ဆက်ဆံရေးဦးစီးဌာန ဒုတိယဦးစီးမှူး ဒေါ်သီတာခိုင်က စာပေဖတ်ရှုသည့်အခါ အသံနေ၊ အသံထား၊ အဖြတ်အတောက်၊ မှန်ကန်စွာနှင့် ဖတ်ရှုတတ်စေရန်၊ စာကြည့်တိုက်နှင့် ရင်းနှီးကျွမ်းဝင်မှုရှိစေရန်၊ အားလပ်သည့်အချိန်ကို တန်ဖိုးရှိစွာ အသုံးပြုတတ်စေရန်နှင့် စာဖတ်ခြင်း၏အကျိုးကျေးဇူးများ သိရှိစေရန် ရည်ရွယ်၍ ကျင်းပပေးခြင်းဖြစ်ကြောင်း ပြောကြားသည် ။
ဆက်လက်၍ မြို့မအခြေခံပညာအလယ်တန်း ကျောင်းသား/ သူ (၂၀)ဦးတို့က မိမိတို့လေ့လာ မှတ်သားထားသည် ပုံပြင်များနှင့် ကဗျာများကို ပါဝင်ယှဉ်ပြိုင်ကြရာ မြို့နယ်ဦးစီးအရာရှိနှင့် ဝန်ထမ်းများက အမှတ်တရလက်ဆောင်များ ပေးအပ်ကြကြောင်း သိရသည် ။
သတင်း - ဦးရဲတင့်
မြန်မာနေရှင်နယ်ပို့စ်
No comments:
Post a Comment