MNP - ဩဂုတ် ၃၀
မကွေးတိုင်းဒေသကြီး နတ်မောက်မြို့နယ် ကျောက်တံခါး ရေလှောင်တမံ ဆည်ရေသောက် ဧရိယာအတွင်းတွင် စိုက်ပျိုးထားရှိသည့် RS-CS မျိုးစေ့ထုတ်စပါးစိုက်ကွက်များကို ယမန်နေ့က စိုက်ပျိုးရေးဦးစီးဌာနဝန်ထမ်းများ ကွင်းဆင်းဆောင်ရွက်ခဲ့ကြောင်း သိရသည်။
နတ်မောက်မြို့နယ်ရှိ လယ်သမားအများစုသည် ဆန်အရည်အသွေးကောင်းမွန်ပြီး အထွက်နှုန်းကောင်းမွန် သည့် ဆင်းသုခစပါးမျိုးများကို စိုက်ပျိုးကြသည်။ အရည်အသွေးကောင်း မျိုးကောင်းမျိုးသန့် စပါးမျိုးများကို တောင်သူလယ်သမားများ အလွယ်တကူရရှိရေးအတွက် ကျောက်တံခါးရေလှောင်တမံဆည်ရေသောက် ဧရိယာအတွင်းရှိ ပ/ ဂွေးချိုကျေးရွာနှင့် ပ/ လက်ခုပ်ပင်ကျေးရွာမှ တောင်သူ (၅၄)ဦး၏ လယ်ဧက(၁၈၀)တွင် စိုက်ပျိုးရေးဦးစီးဌာန၏ ပံ့ပိုးမှုဖြင့် ပွင့်ဖြူမြို့ မျိုသန့်ခြံမှ RS-CS ဆင်းသုခစပါးမျိုးများကို စပါးမျိုးစေ့ထုတ်ဇုန်အဖြစ် သတ်မှတ်ပြီးစိုက်ပျိုးရေးဦးစီးဌာနမှ အကောင်အထည်ဖော် ဆောင်ရွက်ထားခြင်းဖြစ်ကြောင်း သိရသည်။
သတင်း - မူမူစန်း
မြန်မာနေရှင်နယ်ပို့စ်
No comments:
Post a Comment