MNP - ဩဂုတ် ၁၉
ကရင်ပြည်နယ်၊ ဘားအံခရိုင်၊ သံတောင်ကြီးမြို့နယ် ကျေးလက်ဒေသဖွံ့ဖြို့တိုးတက်ရေးဦးစီးဌာနမှ ၂၀၂၂-၂၀၂၃ ခု ဘဏ္ဍာရေးနှစ်အတွင်း အကောင်အထည်ဖော်ဆောင်ရွက်မည့် ကျေးရွာဖွံ့ဖြိုးတိုးတက်ရေး (VDP)စီမံကိန်း ရန်ပုံငွေလွှဲပြောင်းပေးအပ်ပွဲအခမ်းအနားကို ယမန်နေ့နေ့ လယ် ၁ နာရီအချိန် ကမြို့နယ်ကျေး လက်ဒေသဖွံ့ဖြိုးတိုးတက်ရေးဦးစီးဌာန အစည်းအဝေးခန်းမ၌ကျင်းပခဲ့ကြောင်း သိရသည်။
ရှေးဦးစွာ မြို့နယ်ကျေးလက်ဒေသဖွံ့ဖြိုးတိုးတက်ရေးဦးစီးဌာန မြို့နယ်ဦးစီးမှူး ဦးချမ်းငြိမ်းဝင်း ကအဖွင့်အမှာစကားပြောကြားပြီး ၂၀၂၂- ၂၀၂၃ ခု ဘဏ္ဍာရေးနှစ်အတွင်း အကောင်အထည်ဖော်ဆောင်ရွက်မည့် (VDP)စီမံကိန်းဆောင်ရွက်မည့်ကျေးရွာ (၁၁)ရွာအားစီမံကိန်း ရန်ပုံငွေများကို ဌာနဆိုင်ရာအကြီးအကဲများ၊ တာဝန်ရှိသူများကလွှဲပြောင်းပေးအပ်ခဲ့ရာကျေးရွာကော်မတီဝင်များမှ လက်ခံရယူခဲ့ကြောင်း သိရသည်။
အခမ်းအနားသို့ မြို့နယ်စီမံအုပ်ချုပ်ရေးကောင်စီအဖွဲ့ဝင်များ၊ မြို့နယ်အထွေထွေအုပ်ချုပ်ရေးဦးစီးဌာနမှတာဝန်ရှိသူများ၊ ဌာနဆိုင်ရာအကြီးအကဲ များနှင့် စီမံကိန်းကျေးရွာကော်မတီများ တက်ရောက်ခဲ့ကြောင်း သိရသည်။
သတင်း - နော်နော်မူ
မြန်မာနေရှင်နယ်ပို့စ်
No comments:
Post a Comment