MNP - ဩဂုတ် ၂၃
ကရင်ပြည်နယ်၊ ဘားအံခရိုင်၊ သံတောင်ကြီးမြို့နယ်၊ ကျေးလက်ဒေသဖွံ့ဖြိုးတိုးတက်ရေးဦးစီးဌာနမှ ကျေးရွာမတည်ရန်ပုံငွေစီမံ ကိန်း(VRFP)ရန်ပုံငွေ လွှဲပြောင်းပေးပွဲအခမ်းအနားကို ယမန်နေ့နံနက်(၁၀) နာရီအချိန်က သစ်ခေါင်းကျေးရွာ ဘုရားကျောင်းခန်းမတွင်ပြုလုပ်ဆောင်ရွက်ခဲ့ကြောင်း သိရသည်။
ရှေ့ဦးစွာ မြို့နယ်ကျေးလက်ဒေသ ဖွံ့ဖြိုးတိုးတက်ရေးဦးစီးဌာနမြို့နယ်ဦးစီးမှူး ဦးချမ်းငြိမ်းဝင်းက နိုင်ငံတော်၏(ကိုယ်ဗစ်-၁၉)စီးပွားရေးကုစားမှုအစီအစဉ်ကို အထောက်အကူပြုစေရန်၊ လုပ်ကွက်ငယ် တောင်သူများ၊ စိုက်ပျိုးမွေးမြူရေးထုတ်လုပ်သူများနှင့် အသေးစားစီးပွားရေးလုပ်ကိုင်သူများအတွက် လိုအပ်သောငွေးကြေးအရင်းအနှီးများ ရရှိစေရန်၊ ရရှိသောငွေကြေးအရင်းအနှီးဖြင့် မိသားစုဝင်ငွေ တိုးပွားအောင်လုပ်ငန်းများ ဆောင်ရွက်နိုင်စေရန်၊ တိုးပွားလာသောရန်ပုံငွေဖြင့်ကျေးရွာများ ပိုင်ဆိုင်သောမတည်ရန်ပုံငွေထူထောင်၍ စဉ်ဆက်မပြတ်ငွေကြေးအရင်းအနှီးရရှိစေရန်အတွက် ထုတ်ချေးပေးခြင်းဖြစ်ကြောင်းရှင်းလင်းပြောကြားခဲ့သည်။
အဆိုပါ သစ်ခေါင်းကျေးရွာမတည်ရန်ပုံငွေစီမံကိန်း(VRFP)ချေးငွေများ ပြန်လည်ထုတ်ပေးရာတွင် စိုက်ပျိုးရေးလုပ်ကိုင်သူ(၂၅) ဦးအတွက် ငွေကျပ် (၁၀၄)သိန်း၊ မွေးမြူရေးလုပ်ကိုင်သူ (၁၄) ဦးအတွက် ငွေကျပ် (၅၈) သိန်း၊ အရောင်းအဝယ်လုပ်ကိုင်သူ(၆)ဦးအတွက် ငွေကျပ် (၃၈) သိန်းဖြစ်ပြီး ကျေးရွာမတည်ရန်ပုံငွေစီမံကိန်း (VRFP)တတိယ စက်ဝန်းအတွက်ချေးငွေစုစုပေါင်းငွေကျပ် သိန်း(၂၀၀) ပြန် လည်ထုတ်ပေးခဲ့ကြောင်းသိရသည်။
သတင်း - နော်နော်မူ
မြန်မာနေရှင်နယ်ပို့စ်
No comments:
Post a Comment