MNP - စက်တင်ဘာ ၂
ပဲခူးတိုင်းဒေသကြီးအစိုးရအဖွဲ့ ဝန်ကြီးချုပ် ဦးမျိုးဆွေဝင်းမှ ထောက်ပံ့ပေးအပ်သော ထောက်ပံ့ငွေနှင့် ဆန်/ဆီများအား မြို့နယ်စီမံအုပ်ချုပ်ရေးအဖွဲ့ ဥက္ကဋ္ဌနှင့်အဖွဲ့ဝင်များမှ ကံကလေးအုပ်စု သစ်စင် (မြောက်စုရွာ) ဆင်းရဲနွမ်းပါးသက်ကြီးဘိုးဘွားအား ယမန်နေ့ညနေ ၄ နာရီခွဲက အဆိုပါကျေးရွာသို့ သွားရောက်ထောက်ပံ့ပေးအပ်ခဲ့သည်။
ဇီးကုန်းမြို့နယ်စီမံအုပ်ချုပ်ရေးအဖွဲ့ ဥက္ကဋ္ဌ ဦးမျိုးသက်အောင်နှင့် အဖွဲ့ဝင်များသည် ကံကလေးကျေးရွာအုပ်စု သစ်စင် (မြောက်စု)ရွာနေ ဆင်းရဲနွမ်းပါးသက်ကြီးအဖွား ဒေါ်မကြွေ ထံသို့ သွားရောက်၍ ဝန်ကြီးချုပ်မှ ထောက်ပံ့ပေးအပ်သော ထောက်ပံ့ငွေ (၅၀၀၀၀၀)ကျပ်နှင့် ဆန်အိတ် တစ်အိတ်၊ ဇီးကုန်းမြို့နယ် စားသုံးဆီကုန်သည်ကြီးများအသင်းမှ ဦးမောင်မောင်ဆွေမှ စားသုံးဆီ ၅ ပိဿာတစ်ပုံးတို့အား ကျေးရွာအုပ်ချုပ်ရေးအဖွဲ့နှင့်အတူ လက်ဝယ်အရောက် သွားရောက်ထောက်ပံ့ ပေးအပ်ခဲ့ကြောင်း သိရသည်။
သတင်း - တင့်ဆွေ
မြန်မာနေရှင်နယ်ပို့စ်
No comments:
Post a Comment