MNP - စက်တင်ဘာ ၁
ရှမ်းပြည်နယ်တောင်ပိုင်း၊ တောင်ကြီးခရိုင်၊ ရပ်စောက်မြို့နယ်လူမှုဝန်ထမ်းဦးစီးဌာနမှ ကိုယ်ဝန်ဆောင်မိခင်နှင့် အသက်(၂)နှစ်အောက် ကလေးငယ်များအား ထောက်ပံ့ရေးအစီအစဉ် (MCCT)အရ ၂၀၂၂-၂၀၂၃ခု ဘဏ္ဍာရေးနှစ်အတွက် ထောက်ပံ့ငွေများပေးအပ်ခြင်းကို ယနေ့နံနက် ၁၀ နာရီက ဈေးတန်းရပ်ကွက် အုပ်ချုပ်ရေးမှူးရုံး၌ ပြုလုပ်ခဲ့သည်။
ထိုသို့ထောက်ပံ့ပေးအပ်ရာတွင် မြို့နယ်လူမှုဝန်ထမ်းဦးစီးဌာနမှ မြို့နယ်ဦးစီးမှူးနှင့် ဝန်ထမ်းများက မြို့နယ်အတွင်းရှိ ရပ်ကွက်၊ ကျေးရွာအုပ်စု(၂၆)အုပ်စုမှ ကိုယ်ဝန်ဆောင်မိခင် (၁၅၁၆)ဦးနှင့် အသက်(၂)နှစ်အောက် ကလေးငယ်(၃၃၂၀)ဦးအတွက် ထောက်ပံ့ငွေ (၂၀၆၈၃၅၀၀၀)ကျပ်အား ရပ်ကွက်၊ ကျေးရွာများအရောက် ကွင်းဆင်းထောက်ပံ့ပေးအပ်လျက်ရှိရာ ယနေ့နံနက်ပိုင်းတွင် ဈေးတန်းရပ်ကွက်အတွင်းရှိ ကိုယ်ဝန်ဆောင်မိခင်(၈)ဦးအတွက် ငွေကျပ် (၃၆၀၀၀၀)နှင့် အသက်(၂)နှစ်အောက် ကလေးငယ် (၄၀)ဦးအတွက် ငွေကျပ် (၁၆၃၅၀၀၀) အားထောက်ပံ့ပေးအပ်ခဲ့ကြောင်းနှင့် ကျန်ရှိနေသေးသည့် ရပ်ကွက်၊ ကျေးရွာအုပ်စုများမှ ကိုယ်ဝန်ဆောင်မိခင်နှင့် အသက်(၂)နှစ်အောက် ကလေးငယ်များအား ရပ်ကွက်၊ ကျေးရွာများအရောက် ကွင်းဆင်းထောက်ပံ့ပေးအပ်သွားမည်ဖြစ်ကြောင်း မြို့နယ်လူမှုဝန်ထမ်းဦးစီးဌာနမှ သိရသည်။
သတင်း - ရဲထက်ဦး
မြန်မာနေရှင်နယ်ပို့စ်
No comments:
Post a Comment