MNP - စက်တင်ဘာ ၁၇
စစ်ကိုင်းမြို့တွင် ကလေးသူငယ် အလုပ်သမားပပျောက်ရေး သက်ဆိုင်ရာဌာနဆိုင်ရာများနှင့် စက်မှုဇုန်ရှိလုပ်ငန်းရှင်များနှင့် တွေ့ဆုံဆွေးနွေးပွဲကို ယနေ့နံနက်(၉)နာရီက စက်မှုဇုန်အစည်းအဝေးခန်းမ၌ ကျင်းပပြုလုပ်ခဲ့ကြောင်းသိရသည်။
ဆွေးနွေးပွဲတွင် စစ်ကိုင်းခရိုင်စီမံအုပ်ချုပ်ရေးအဖွဲ့ဥက္ကဋ္ဌ ဦးကျော်စွာမောင်စိုးက အဖွင့်အမှာစကား ပြောကြားပြီး ခရိုင်လူမှုဝန်ထမ်းဦးစီးဌာန၊ အလုပ်ရုံနှင့်အလုပ်သမားဥပဒေစစ်ဆေးရေးဦးစီးဌာန၊ အလုပ်သမားညွှန်ကြားရေးဦးစီးဌာန၊ ခရိုင်ဦးစီးမှူးများနှင့် မြို့နယ်ရဲတပ်ဖွဲ့၊ ရဲမှူးလှလွင်တို့က ကလေးသူငယ် အလုပ်သမားပပျောက်ရေးဆိုင်ရာ ဥပဒေ/ နည်းဥပဒေနှင့် ကလေးသူငယ်အခွင့်အရေးဆိုင်ရာများကို ဆွေးနွေးပေးခဲ့ကြပြီး တက်ရောက်လာသည့် လုပ်ငန်းရှင်များက မရှင်းလင်းသည်များ၊ မိမိတို့သိရှိလိုသည်များကို မေးမြန်းကြရာ တာဝန်ရှိသူများက ပြန်လည်ရှင်းလင်းပေးခဲ့ကြကြောင်း သိရသည်။
ဆက်လက်၍ အဆိုပါအဖွဲ့များသည် စစ်ကိုင်းခရိုင်ပြန်ကြားရေးနှင့်ပြည်သူ့ဆက်ဆံရေးဦးစီးဌာန၊ လူထုအခြေပြုဗဟိုဌာနတွင် ကလေးသူငယ်အခွင့်အရေးနှင့် ကလေးအလုပ်သမားပပျောက်ရေးဆိုင်ရာ စကားဆွေးနွေးပွဲကျင်းပ ပြုလုပ်ခဲ့ကြောင်းသိရသည်။
မြန်မာနေရှင်နယ်ပို့စ်
No comments:
Post a Comment