MNP - စက်တင်ဘာ ၂၈
ပဲခူးတိုင်းဒေသကြီး၊ ပြည်ခရိုင်၊ ရွှေတောင်မြို့နယ်တွင် စက်တင်ဘာ ၂၆ နေ့က မိုးသည်းထန်စွာရွာသွန်း၍ သစ်ပင်လဲကျမှုကြောင့် လူနေအိမ်(၂)လုံး တစ်စိတ်တစ်ပိုင်းပျက်စီးဆုံးရှုံးမှုအား ထောက်ပံ့ငွေပေးအပ်ခြင်းကို ယမန်နေ့နေ့လယ်ပိုင်းက ထောက်ပံ့ပေးအပ်ခဲ့ကြောင်း သိရသည်။
မိုးသည်းထန်စွာရွာသွန်း၍ သစ်ပင်လဲကျမှုကြောင့်လူနေအိမ်(၂)လုံးဖြစ်သည့် ဦးဇော်မင်းလတ်အိမ်ထောင်စုရှိလူဦးရေ(၄)ဦးအတွက် အိမ်ဆောက်ပစ္စည်းဖိုး ၅၀,၀၀၀/-ကျပ်နှင့် ဆန်ရိက္ခာဘိုး ၈၄၀၀/-ကျပ်၊ ဦးရဲထွဋ်အိမ်ထောင်စုရှိလူဦးရေ(၂)ဦးအတွက် အိမ်ဆောက်ပစ္စည်းဘိုး ၅၀၀၀၀/-ကျပ်နှင့် ဆန်ရိက္ခာဘိုး ၄၂၀၀/-ကျပ် စုစုပေါင်း ၁၁၂,၆၀၀/ကျပ်ကို ဘေးအန္တရာယ်ဆိုင်ရာစီမံခန့်ခွဲရေးဦးစီးဌာနမှာ ဒုတိယညွှန်ကြားရေးမှူး ဒေါ်တင်တင်ချိုမှ ထောက်ပံ့ပေးအပ်ခဲ့ကြောင်း သိရသည်။
သတင်း - ကိုကိုမင်း
မြန်မာနေရှင်နယ်ပို့စ်
No comments:
Post a Comment