MNP - စက်တင်ဘာ ၂၈
ရန်ကုန်တိုင်းဒေသကြီး၊ ဒဂုံမြို့သစ်ခရိုင်၊ ဒဂုံမြို့သစ်(တောင်ပိုင်း)မြို့နယ်အတွင်းရှိ ဘုန်းတော်ကြီးသင်စာသင်ကျောင်းများသို့ ယနေ့နံနက်(၀၉:၃၀)အချိန်က မြို့နယ်မီးသတ်ဦးစီးဌာနမှ ဆန်အိတ်များပေးအပ်လှူဒါန်းခဲ့ကြောင်း သိရသည်။
ရှေးဦးစွာ မြို့နယ်အတွင်းရှိ ဘုန်းတော်ကြီးကျောင်းများဖြစ်သော ကြာကံဘုန်းကြီးကျောင်း၊ နိကာယ်ဘုန်းတော်ကြီးကျောင်းများသို့ ဆန်အိတ်(၆)အိတ်စီအား ဘုန်းတော်ကြီးကျောင်းရှိ ဆရာတော်သဃံာတော်များ ဆွမ်းဘုန်းပေးရာတွင် အခက်အခဲမရှိစေရေးနှင့် ဘာသာသာသနာတော်အကျိုးအား စိတ်အေးချမ်းသာစွာ ကျင့်ကြံအားထုတ်နိုင်ရေးတို့အတွက် ရည်ရွယ်၍ လှူဒါန်းခဲ့ခြင်းဖြစ်ကြောင်းသိရသည်။
အဆိုပါဆန်အိတ်များပေးအပ်လှူဒါန်းရာတွင် မြို့နယ်မီးသတ်ဦးစီးမှူး ဦးမြင့်သူဦးဆောင်၍ လှူဒါန်းမှုများပြုလုပ်ခဲ့ခြင်းဖြစ်ပြီး မြို့နယ်အတွင်းရှိ အခြားသော ဘုန်းတော်ကြီးကျောင်းများသို့ ဆက်လက်လှူဒါန်းပေးသွားဦးမည်ဖြစ်ကြောင်း မြို့နယ်မီးသတ်ဦးစီးဌာနမှ သတင်းရရှိသည်။
သတင်း - သက်မင်းဟန်
မြန်မာနေရှင်နယ်ပို့စ်
No comments:
Post a Comment