ရန်ကင်းမြို့နယ်တွင် အသက် ၅ နှစ်မှ ၁၇ နှစ်အထိ ကျောင်းသား/သူ(၄၉၀)ဦးအား ဒုတိယအကြိမ် ကိုဗစ်-၁၉ ကာကွယ်ဆေးများအား အရှိန်အဟုန်မြှင့် ထိုးနှံဆောင်ရွက်

MNP - စက်တင်ဘာ  ၂၈

သင်္ဃန်းကျွန်းခရိုင်၊ ရန်ကင်းမြို့နယ်တွင် ကိုဗစ်-၁၉ ရောဂါ ဖြစ်ပွားမှုများကို ထိန်းချုပ်နိုင်ရန်အတွက် အသက် ၅ နှစ်မှ ၁၂နှစ်အထိ ကျောင်းသား/သူ (၂၇)ဦးအား ကိုဗစ်-၁၉ ကာကွယ်ဆေး Sinopharm(Second dose)နှင့် အသက် ၁၂ နှစ်မှ အသက် ၁၇ နှစ်အထိ ကျောင်းသား/သူ (၄၆၃)ဦးအား ကိုဗစ်-၁၉ ကာကွယ်ဆေး(Sinovac)(Second dose)အား ယမန်နေ့နံနက် ၉:၀၀ နာရီက အမှတ်(၁) အခြေခံပညာအထက်တန်းကျောင်းတွင် အရှိန်အဟုန်မြှင့် ထိုးနှံပေးလျက်ရှိကြောင်း သိရသည်။

ထိုသို့ကာကွယ်ဆေးထိုးနှံရာတွင် အသက် ၅ နှစ်မှ ၁၇ နှစ်အထိ ကျောင်းသား/သူ စုစုပေါင်း (၄၉၀)ဦးအား Sinopharm(Second dose)နှင့် Sinovac(Second dose)ကာကွယ်ဆေးများကို  ထိုးနှံပေးခဲ့ရာ ရန်ကင်းမြို့နယ်အနေဖြင့် ကိုဗစ်-၁၉ ရောဂါ ကာကွယ်ထိန်းချုပ်ရေးနှင့်အရေးပေါ်တုံ့ပြန်ရေးကော်မတီ၏ ကြီးကြပ်မှုဖြင့် ကာကွယ်ထိန်းချုပ်ရေး လုပ်ငန်းများအား အရှိန်အဟုန်မြှင့် ဆောင်ရွက်ပေးလျက်ရှိပြီး ရန်ကင်းမြို့နယ်အတွင်း၌ ကာကွယ်ဆေးထိုးနှံခြင်းကို သက်ဆိုင်ရာဦးစားပေးအလိုက် ဦးတည်အုပ်စုများအလိုက် ကိုဗစ်-၁၉ ကာကွယ်ဆေးများကို ရာနှုန်းပြည့်ပြီးစီးရေး ဆက်လက်ထိုးနှံပေးခဲ့ကြောင်း သိရသည်။

အဆိုပါကာကွယ်ဆေးထိုးနှံရာသို့ ကိုဗစ်-၁၉ ရောဂါကာကွယ်ထိန်းချုပ်ရေးနှင့် အရေးပေါ်တုံ့ပြန်ရေးကော်မတီအဖွဲ့များ၊ မြို့နယ်ကျန်းမာရေးဦးစီးဌာနမှဝန်ထမ်းများ၊ မြို့နယ်စီမံအုပ်ချုပ်ရေးအဖွဲ့ရုံးဝန်ထမ်းများ၊ မြို့နယ်ရဲတပ်ဖွဲ့ဝင်များ၊ ရပ်ကွက်အုပ်ချုပ်ရေးမှူးများ၊ မြို့နယ်ကြက်ခြေနီသူနာပြုတပ်ဖွဲ့ဝင်များက အောက်စီဂျင်တိုင်းတာခြင်း၊ ကိုယ်အပူချိန်တိုင်းတာခြင်း၊ လက်ဆေးခြင်းတို့ကို ဆောင်ရွက်စေပြီး ကျန်းမာရေးလမ်းညွှန်ချက်များနှင့်အညီ၊ မြို့နယ်ကျန်းမာရေးဝန်ထမ်းများက ကာကွယ်ဆေးရာနှုန်းပြည့် ထိုးနှံနိုင်ရေးစနစ်တကျ ဆောင်ရွက်ပေးလျက်ရှိကြောင်း သတင်းရရှိသည်။

သတင်း - အိရွှေစင်

မြန်မာနေရှင်နယ်ပို့စ်