MNP - စက်တင်ဘာ ၂၃
ကရင်ပြည်နယ်၊ ဘားအံခရိုင်၊ လှိုင်းဘွဲမြို့နယ်တွင် လူမှုဝန်ထမ်း၊ကယ်ဆယ်ရေးနှင့် ပြန်လည်နေရာချထားရေးဝန်ကြီးဌာန၊ လူမှုဝန်ထမ်းဦးစီးဌာနက ၂၀၂၂-၂၀၂၃ ဘဏ္ဍာရေးနှစ်၊ ဒုတိယ (၃)လပတ်အတွက် လူမှုရေး ပင်စင်အကျိုးခံစားခွင့်ရှိသော အသက်(၈၅)နှစ်အထက် သက် ကြီးဘိုးဘွားများအား ထောက်ပံ့ငွေများကို ပေးအပ်လျက်ရှိရာ လှိုင်းဘွဲမြို့ပေါ်ရပ်ကွက်များအတွင်းရှိ သက်ကြီးဘိုးဘွားများအား လူမှုရေးပင်စင် ထောက်ပံ့ ငွေများပေးအပ် ပြီးစီးပြီး ဖြစ်ကြောင်း သိရသည်။
အဆိုပါလူမှုရေးပင်စင်များ ထောက်ပံ့ပေးအပ်ရာတွင် ရပ်ကွက်အုပ်ချုပ်ရေးမှူးနှင့် စာရင်းဝန်ထမ်းများက၂၀၂၂-၂၀၂၃ ဘဏ္ဍာရေးနှစ်၊ ဒုတိယ (၃)လပတ်အတွက် လူမှုရေးပင်စင် အကျိုးခံစားခွင့်ရှိသည့် (က)ရပ်ကွက်တွင် အဘိုး(၉)၊အဘွား(၁၁)ဦး၊ (ခ)ရပ်ကွက်တွင် အဘိုး (၄)၊အဘွား (၁၀)ဦး၊(ဂ)ရပ်ကွက်တွင်အဘိုး(၆)ဦး၊ အဘွား(၄)ဦးနှင့် (ဃ)ရပ်ကွက်တွင် အဘိုး (၂)ဦး၊အဘွား(၃)ဦး စုစုပေါင်း အဘိုးအဘွား(၄၉)ဦးအတွက် စုစုပေါင်း ထောက်ပံ့ငွေကျပ် (၁၄၇၀၀၀၀)ကို သက်ကြီးဘိုးဘွားများထံ လက်ဝယ်အရောက် ထောက်ပံ့ပေးအပ်ပြီးစီးပြီး ဖြစ်ကြောင်း သိရသည်။
သတင်း - စောဒိ
မြန်မာနေရှင်နယ်ပို့စ်
No comments:
Post a Comment