MNP ၊ စက်တင်ဘာ ၂၂
ရခိုင်ပြည်နယ်၊ သံတွဲခရိုင်၊ ဂွမြို့နယ်အတွင်းရှိ အသက်(၁၈)နှစ်အထက် ဦးတည်အုပ်စုပြည်သူများနှင့်အသက် (၁၂)အထက် ကျောင်းသား/သူ များအား မြို့နယ်စီမံအုပ်ချုပ်ရေးအဖွဲ့၏ ဦးဆောင်မှုဖြင့် မြို့နယ်ပြည်သူ့ကျန်းမာရေးဦးစီးဌာနမှ ဝန်ထမ်းများက မြို့နယ်အတွင်းရှိ စုရပ်များနှင့် အခြေခံပညာကျောင်းများမှ ဆေးထိုးစုရပ်များတွင် နေရာများခွဲ၍ ကိုဗစ်-၁၉ရောဂါ ကာကွယ်ဆေးများကို ကျန်းမာရေး ဝန်ကြီးဌာနမှ ထုတ်ပြန်ထားသည့် ကိုဗစ်-၁၉ရောဂါ ကြိုတင်ကာကွယ်ရေး လမ်းညွှန်ချက်များနှင့်အညီ Booster Dosesများ ဆက်လက် ထိုးနှံပေးလျက်ရှိကြောင်း သိရသည်။
ဂွ မြို့နယ်အတွင်းရှိ အသက်(၁၈)နှစ်အထက် ဦးတည်အုပ်စုပြည်သူများအား စက်တင်ဘာလ(၂၀)ရက်နေ့က ကိုဗစ် -၁၉ရောဂါ ကာကွယ်ဆေး Myancopharm Booster Doses အား ပြည်သူ (၁၄၂)ဦးကလည်းကောင်း၊ စက်တင်ဘာလ(၂၁)ရက်နေ့ကအသက်(၁၂)အထက်ကျောင်းသား /သူ များအား ကိုဗစ် -၁၉ရောဂါ ကာကွယ် ဆေး Sinovac Booster Doses အား ကျောင်းသား/သူ(၅)ဦးတို့က လည်းကောင်း မိဘအုပ်ထိန်းသူများရဲ့ သဘောတူ ခွင့်ပြုချက်များအရ ထိုးနှံပေးခဲ့ကြောင်းသိရသည်။
ရွှေရည်ဝင်းကျော်
https://t.me/MyanmarNationalPost
No comments:
Post a Comment