MNP - စက်တင်ဘာ ၁၈
မကွေးတိုင်းဒေသကြီး၊ မြို့သစ်မြို့နယ် စည်ပင်သာယာရေးအဖွဲ့မှ ဒေသခံပြည်သူများ သွားလာရေး အဆင်ပြေစေရန်အတွက် ဒေသဖွံ့ဖြိုးရေးလုပ်ငန်းများကို စဉ်ဆက်မပြတ် ဆောင်ရွက်ပေးလျက်ရှိရာ ၂၀၂၂-၂၀၂၃ ဘဏ္ဍာနှစ်ငွေလုံးငွေရင်းခွင့်ပြုရန်ပုံငွေကျပ်( ၂.၀၀၀) သန်းဖြင့် မြို့သစ်မြို့လယ်ပြင်ရပ်ကွက်၊ မဟူရာလမ်း BOX Culvert ပြုလုပ်ခြင်း များကို စက်တင်ဘာပထမပက်က စတင်အကောင်အထည်ဖော်ဆောင်ရွက်လျက်ရှိကြောင်း သိရသည်။
အဆိုပါလမ်းတံတား (၁၈×၃×၃) ပေရှိBOX Culvert ပြုလုပ်ခြင်းလုပ်ငန်းများ အချိန်မှီပြီးစီးနိုင်ရေးအတွက် မြို့သစ်မြို့စည်ပင်သာယာရေး အဖွဲ့ကအနီးကပ်ကြီးကြပ် ဆောင်ရွက်လျက်ရှိသည်။
လုပ်ငန်းပြီးစီးပါက မြို့သာယာလှပပြီး အများပြည်သူတို့၏လူနေမှုဘဝမြင့်မားလာနိုင်ကာ သွားလာရေး ပိုမိုအဆင်ပြေလာနိုင်မှာဖြစ်ကြောင်း မြို့သစ်မြို့နယ် စည်ပင်သာယာရေးဦးစီးဌာနမှသိရသည်။
သတင်း - သန်းဝင်းထွန်း
မြန်မာနေရှင်နယ်ပို့စ်
No comments:
Post a Comment