MNP - စက်တင်ဘာ ၉
ကမ္ဘာ့နိုင်ငံများနှင့် အိမ်နီးချင်းနိုင်ငံများတွင် ကမ္ဘာ့ကျန်းမာရေးအဖွဲ့၏ ထုတ်ပြန်ချက်အရ ကိုဗစ်-၁၉ လူနာအသစ်တွေ့ရှိမှု မြှင့်တက်လာခြင်းနှင့် ကိုဗစ်-၁၉ မျိုးရိုးဗီဇပြောင်း SARA-COV-2 Variant Omicron (အိုမီခရွန်) BA-4 ၊ BA-5 ရောဂါပိုးများ လျင်မြန်စွာ ကူးစက်ပြန့်ပွားနေခြင်းတို့ကြောင့် ပါးစပ်နှာခေါင်းစည်း Mask များ စနစ်တကျတပ်ဆင်သွားလာကြရန် ရည်ရွယ်၍ လားရှိုးမြို့တွင် ယမန်နေ့ နံနက်(၉)နာရီအချိန်က ဌာနဆိုင်ရာများပူးပေါင်း၍ Mask Campaign ပြုလုပ်ဆောင်ရွက်ခဲ့သည်။
ထိုသို့ဆောင်ရွက်ရာတွင် ခရိုင်ဘေးအန္တရာယ်စီမံခန့်ခွဲမှုဦးစီးဌာန၊ အထွေထွေအုပ်ချုပ်ရေးဦးစီးဌာန ဝန်ထမ်းများ၊ မီးသတ်တပ်ဖွဲ့ဝင်များ၊ ယာဉ်ထိန်းတပ်ဖွဲ့ဝင်များ၊ ပရဟိတအသင်းအဖွဲ့များ၊ သက်ဆိုင်ရာ အုပ်ချုပ်ရေးမှူးများ စသည့်ဌာန ဆိုင်ရာများပါဝင်သော ပူးပေါင်းအဖွဲ့ဖြင့် လားရှိုးကြီးမီးပွိုင့်လမ်းဆုံ၊ ရပ်ကွက်(၉) အုပ်ချုပ်ရေးမှူးရုံးရှေ့တို့တွင် ပါးစပ်နှာခေါင်းစည်း Mask များအခမဲ့ဖြန့်ဝေခဲ့ကြသည်။ ထိုပြင် ခရိုင် ဘေးအန္တရာယ်စီမံခန့်ခွဲမှုဦးစီးဌာနနှင့် ခရိုင်ပြန်ကြားရေးနှင့်ပြည်သူ့ဆက်ဆံရေးဦးစီးဌာန တို့ပူးပေါင်း၍ ကိုဗစ်-၁၉ ရောဂါဆိုင်ရာ အချက်အလက်များအား အသံချဲ့စက်ဖြင့် ဆော်ဩခြင်း၊ ကိုဗစ်-၁၉ ရောဂါနှင့် ပတ်သက်သည့် လက်ကမ်းစာစောင်များ ဖြန့်ဝေခြင်းများ ဆောင်ရွက်ခဲ့ကြောင်း သိရသည်။
သတင်း - စိုင်းအောင်ကျော်စိုး
မြန်မာနေရှင်နယ်ပို့စ်
No comments:
Post a Comment