MNP ၊ အောက်တိုဘာ ၂၄
ရခိုင်ပြည်နယ်၊ ပုဏ္ဏားကျွန်းမြို့နယ်စိုက်ပျိုးရေးဦးစီးဌာနမှ စိုက်ပျိုးရေးနည်းပညာများ ဖွံ့ဖြိုးတိုးတက်လာစေရန်ရည်ရွယ်၍ တောင်သူပညာပေးဆွေးနွေးပွဲကို ယမန်နေ့၊ နံနက် ၁၁ နာရီမှ ညနေ ၄ နာရီအထိ၊ ပဒေသာကျေးရွာ စိုက်ပျိုးရေးစခန်းတွင် ကျင်းပခဲ့သည်။
ရှေးဦးစွာစိုက်ပျိုးရေးဦးစီးဌာနမှ မြို့နယ်ဦးစီးမှူး ဦးထွန်းအောင်ကျော်က သင်တန်းများ ပို့ချဖွင့်လှစ်ပေးရခြင်း၏ ရည်ရွယ် ချက်များကို ရှင်းလင်းပြောကြားပြီး၊ စိုက်ပျိုးရေးဦးစီးဌာနမှ ဝန်ထမ်းများက မျိုးစပါးမျိုးစေ့ထုတ်လုပ်နည်းပညာ၊ ဘက်စုံပိုးမွှား ကာကွယ်နှိပ်နင်းခြင်းနည်းပညာ၊ မြေဆီလွှာထိန်းသိမ်းခြင်းနည်းပညာနှင့်နေကြာဆီထွက်သီးနှံအထွက်တိုးနည်းပညာ တို့အား စနစ်တကျသင်ကြားပို့ချပေးခဲ့သည်။
အဆိုပါဆွေးနွေးပွဲသို့ ပဒေသာကျေး ရွာအုပ်စုမှ တောင်သူ ၅၇ ဦးတက်ရောက်ခဲ့ကြပြီး၊ မြို့နယ်စိုက်ပျိုးရေးဦးစီးဌာနမှ မြို့နယ်ဦးစီးမှူးနှင့်ဝန်ထမ်းတို့က တောင်သူများ၏ သိရှိလို သည်များကို အသေးစိတ်ပြန်လည် ရှင်းလင်းဆွေးနွေးပေးခဲ့ကြောင်းသိရသည်။
နီထွန်းအောင်
https://t.me/MyanmarNationalPost
No comments:
Post a Comment