MNP ၊ အောက်တိုဘာ ၂၅
ရခိုင်ပြည်နယ် ၊ မောင်တောမြို့၌ မိုးသည်းထန်စွာ ရွာသွန်းမှုကြောင့် မြို့မအနောက်ရပ်ကွက် ၊ ဖေစီရွာလမ်းတွင် ပြိုလဲခဲ့သည့် သစ်ပင်ကြီးသည် အနီးရှိ နေအိမ်ပေါ်သို့ ပိကျနေ သဖြင့် ယမန်နေ့ ညနေ ၅ နာရီ ခွဲအချိန်ခန့်က မီးသတ် တပ်ဖွဲ့ဝင်များက ခုတ်ထွင်ရှင်း လင်းခဲ့ ကြောင်းသိရသည်။
ထိုသို့ဆောင်ရွက်ရာတွင် ခရိုင်မီးသတ်ဦးစီးမှူး မှကြီးကြပ်၍ မြို့နယ်မီးသတ်စခန်းမှ လက်ထောက်မီး သတ် ဦးစီး မှူး အောင်နိုင်ဖြိုး ဦးဆောင်ကာ မီးသတ်တပ်ဖွဲ့ဝင်များက မိုးသည်းထန်စွာရွာ သွန်းပြီး လေပြင်းတိုက်ခတ်မှုကြောင့် မြို့မ အနောက် ရပ်ကွက်၊ ဖေစီရွာလမ်းရှိ လုံးပတ် ၆ပေ ၊ အရှည် ၃၀ ပေခန့်ရှိအော်ဒီရှားသစ်ပင်ကြီးသည် လဲကျကာ အနီးရှိ နေအိမ်ပေါ်သို့ ပိကျနေ သဖြင့် ပြည်သူများ အနှောက်အယှက်မဖြစ်ပေါ် စေရေးအတွက် အချိန် နှင့် တစ် ပြေးညီ ခုတ်ထွင် ရှင်းလင်းခြင်းများ ဆောင်ရွက်ခဲ့ကြသည်။ အဆိုပါ သစ်ပင်ကြီးပြိုလှဲမှုကြောင့် အနီးရှိ အလျား ၂၀ ပေ ၊ အနံ ၁၅ ပေ ၊ အမြင့် ၁၂ပေ ခန့်ရှိ (သွပ်မိုး ၊ပျဉ်ကာ ၊ ပျဉ်ခင်း)ကျန်းမာရေးဝန်ထမ်း နေအိမ် အမိုးအနည်းငယ်ပျက်စီးဆုံးရှုံးခဲ့ကာ လူတိရစ္ဆာန် ၊ ယာဉ်၊ စက်များ ထိခိုက် ဒဏ်ရာရရှိမှု မရှိ ကြောင်း သိရသည်။
အောင်ကျော်စိန်၊ သက်လွင်စိုး
https://t.me/MyanmarNationalPost
No comments:
Post a Comment