MNP - အောက်တိုဘာ ၂၃
မွန်ပြည်နယ်၊ ပေါင်မြို့နယ် ကြက်ခြေနီနှင့် အ-ထ-က ပေါင်ကြက်ခြေနီအသင်းခွဲငယ်တို့ ပူးပေါင်းဖွင့်လှစ်သော ကျောင်းအခြေပြုရှေးဦးပြုစုခြင်း အခြေခံသင်တန်း(၃/၂၀၂၂) ဖွင့်လှစ်ခြင်းကို ယမန်နေ့နံနက်ပိုင်းက အ-ထ-ကပေါင် ရွှေတုခန်းမ၌ ကျင်းပြုလုပ်ခဲ့သည်။
ရှေးဦးစွာ မြို့နယ်ပညာရေးမှူး ဒေါ်စန်းစန်းအေးက အဖွင့်အမှာစကားပြောကြားပြီး၊ မြို့နယ်ကြက်ခြေနီအသင်းခွဲဥက္ကဋ္ဌ ဦးအောင်မင်းနိုင်က သင်တန်းဖွင့်လှစ်ရခြင်း၏ ရည်ရွယ်ချက်ကို ရှင်းလင်းပြောကြားသည်။ ထို့နောက် ကြက်ခြေနီအသင်းခွဲဒုတိယဥက္ကဋ္ဌ ဒေါက်တာမောင်မောင်လွင်က သင်တန်းတက်ရောက်ရခြင်းဖြင့် ရရှိသောအကျိုးကျေးဇူးများကို ရှင်းလင်းပြောကြားခဲ့သည်။
သင်တန်းတွင် မြို့နယ်ကြက်ခြေနီအသင်းခွဲ နည်းပြ ၅ ဦးတို့မှ ကြက်ခြေနီအကြောင်း သိကောင်းစရာများ၊ ရှေးဦးပြုစုခြင်းသဘောတရားအတွေးအခေါ်များ၊ လူနာဆန်းစစ်ခြင်း၊ စိတ်ပိုင်းဆိုင်ရာရှေးဦးပြုစုခြင်း၊ ဒဏ်ရာအမျိုးမျိုးနှင့် သွေးယိုစီးခြင်း၊ သွေးဆုတ်၊ သွေးလန့် မူးမေ့သတိလစ်ခြင်း၊ အဆိပ်သင့်ခြင်း၊ သတ္တဝါများကိုက်ခြင်းတုပ်ခြင်း၊ အရိုးအကြောအဆစ်ဆိုင်ရာများ၊ လူနာကိုင်ဆောင်သယ်ဆောင်ခြင်း၊ အခြေခံအသက်ကယ်အထောက်အကူပြုနည်း အစရှိသည့်အကြောင်းအရာများကို သင်တန်းသား(၄၈)ဦးအား စာတွေ့လက်တွေ့ သင်ကြားပို့ချပေးခဲ့ကြောင်း သိရသည်။
မြန်မာနေရှင်နယ်ပို့စ်
No comments:
Post a Comment