MNP - နိုဝင်ဘာ ၂၁
ပုလောမြို့နယ်၌ ၂၀၂၂-၂၀၂၃ ပညာသင်နှစ် အခြေခံပညာ မူလတန်းနှင့် အလယ်တန်းအဆင့် အင်္ဂလိပ်စာနှင့် သင်္ချာစွမ်းရည်ပြိုင်ပွဲကို နိုဝင် ဘာလ ၁၉ ရက်နေ့နံနက် ၉ နာရီက ပုလောမြို့ အမှတ် ၁ အခြေခံပညာ အထက်တန်း နဝရတ်ခန်းမ၌ ကျင်းပပြုလုပ်ခဲ့ကြောင်း သိရသည်။
အဆိုပါ ပြိုင်ပွဲကို အခြေခံပညာမူလတန်းနှင့် အလယ်တန်းအဆင့်တွင် အင်္ဂလိပ်စာနှင့် သင်္ချာဘာသာရပ်သင်ကြား သင်ယူမှုစွမ်းရည် တိုး တက်လာစေရန် ထူးချွန်သော ကျောင်းသား၊ကျောင်းသူများ ရွေးချယ်ရန်နှင့် အဆင့်ဆင့် ယှဉ်ပြိုင်မှုများတွင် ပူးပေါင်း ပါဝင်နိုင်ရန် ရည်ရွယ် ၍ ကျင်းပပြုလုပ်ရခြင်းဖြစ်ကြောင်း မြို့နယ် ပညာရေးမှူးရုံးမှ သိရသည်။
၂၀၂၂-၂၀၂၃ ပညာသင်နှစ် အခြေခံပညာ မူလတန်းနှင့် အလယ်တန်း အဆင့် အင်္ဂလိပ်စာနှင့် သင်္ချာစွမ်းရည်ပြိုင်ပွဲကို ရေးဖြေနှင့် နှုတ်မှု စွမ်းရည် ယှဉ်ပြိုင်ကြရပြီး အခြေခံပညာကျောင်းများမှ ကျောင်းသား/သူ ၆၉ ဦးဝင်ရောက်ယှဉ်ပြိုင်ခဲ့ကြကြောင်း သိရသည်။
သတင်း - အေးအေးမော်
မြန်မာနေရှင်နယ်ပို့စ်
No comments:
Post a Comment