MNP - နိုဝင်ဘာ ၅
ကချင်ပြည်နယ်၊ ပူတာအိုခရိုင်၊ မချမ်းဘော့မြို့နယ် နမ်ခမ်ကျေးရွာ၌ တောင်သူ ဦးခေါင်လန်ရောဘတ် လယ်မြေ၊ အမ်ဘူဒမ်းကွင်း၊ ဦးပိုင်အမှတ် (၁၄၂) ရှိ စိုက်ဧက(၃)ဧကတွင် ယနေ့နံနက် ၁၀ နာရီက ဆင်းဧကရီ-၃ မိုးစပါးစံကွက် ရိတ်သိမ်းခဲ့ကြောင်း သိရသည်။
အဆိုပါ မိုစပါးစံကွက်ရိတ်သိမ်းရာတွင် မြို့နယ်စီမံအုပ်ချုပ်ရေးအဖွဲ့ဥက္ကဋ္ဌ ဦးအောင်ကိုဝင်းနှင့် အဖွဲ့ဝင်များ၊ ခရိုင်စိုက်ပျိုးရေးဦးစီးဌာနဦးစီးမှူး ဦးမြင့်ထွေး၊ မြို့နယ်စိုက်ပျိုးရေးဦးစီးဌာန ဦးစီးမှူး ဦးကျော်လွင်နှင့် တာဝန်ရှိသူများက ပူးပေါင်းရိတ်သိမ်းခဲ့ကြပြီး ဆင်းဧကရီ-၃ မိုးစပါးတစ်ဧကလျှင် ၉၁ ဒဿမ ၀၈ တင်းနှုန်း ထွက်ရှိကြောင်း သိရသည်။
မချမ်းဘော့မြို့နယ်တွင် ရပ်ကွက် (၄) ရပ်ကွက်၊ ကျေးရွာအုပ်စု (၁၇) အုပ်စုရှိ၍ ဒေသရေမြေ ရာသီဥတုနှင့်ကိုက်ညီသော ဆင်းဧကရီ- ၃ မျိုးကောင်းမျိုးသန့်စပါးကို စိုက်ပျိုးကြပြီး ဒေသအခေါ် ခေါ်လုံး၊ ဧည့်မထ၊ ငစိန်နှင့် ယာစပါးမျိုးများကိုလည်း စိုက်ပျိုးကြကြောင်း မြို့နယ်စိုက်ပျိုးရေးဦးစီးဌာနမှ သိရသည်။
သတင်း - ယောရွှေနီ
မြန်မာနေရှင်နယ်ပို့စ်
No comments:
Post a Comment