MNP - နိုဝင်ဘာ ၁၆
ရန်ကုန်တိုင်းဒေသကြီး၊ ပုဇွန်တောင်မြို့နယ်၏ လူမှုစီးပွားဖွံ့ဖြိုးတိုးတက်ရေးအတွက် မြို့နယ်စီမံကိန်းရေးဆွဲအကောင်အထည်ဖော်ရေးကော်မတီ လုပ်ငန်းညှိနှိုင်းအစည်းအဝေးကို ယမန်နေ့နေ့လယ် ၁ နာရီက ပုဇွန်တောင်မြို့နယ်၊ အထွေထွေအုပ်ချုပ်ရေးဦးစီးဌာန အစည်းအဝေးခန်းမ၌ ကျင်းပခဲ့ကြောင်း သိရသည်။
အစည်းအဝေးတွင် မြို့နယ်အထွေထွေအုပ်ချုပ်ရေးဦးစီးဌာန မြို့နယ်အုပ်ချုပ်ရေးမှူး ဦးဇော်ဝင်းလှိုင် က လူမှုစီးပွားဖွံ့ဖြိုးတိုးတက်ရေးအတွက် ပုဇွန်တောင်မြို့နယ် စီမံကိန်းရေးဆွဲ အကောင်အထည်ဖော်ရေး ကော်မတီလုပ်ငန်း ညှိနှိုင်းအစည်းအဝေးဖြစ်ကြောင်း၊ ပုဇွန်တောင်မြို့နယ် ဒေသန္တရစီမံကိန်း ရည်မှန်းချက်များ အကောင်အထည်ဖော်ဆောင်ရွက်ရာတွင် ထားရှိရမည့် လူမှုစီးပွားအခြေအနေစာရင်းများ ကောက်ယူရာတွင် တိကျမှန်ကန်သော စာရင်းဇယားများ ဖြစ်ပေါ်လာနိုင်ရေးအတွက် ကော်မတီဝင်များအနေဖြင့် မိမိကျရာအခန်းကဏ္ဍမှ လုပ်ငန်းတာဝန်များကို ကျေပွန်စွာဆောင်ရွက်ရန်လိုကြောင်းနှင့် ဒေသန္တရစီမံကိန်းများကို ဆောင်ရွက်ရမည့် လုပ်ငန်းစဉ်များကို ရှင်းလင်းပြောကြားခဲ့သည်။
ထို့နောက် တက်ရောက်လာကြသော ကော်မတီဝင်များမှ လုပ်ငန်းနှင့်ပတ်သက်သည်များကို ရှင်းလင်းတင်ပြရာ ပုဇွန်တောင်မြို့နယ် စီမံကိန်းရေးဆွဲ အကောင်အထည်ဖော်ရေးကော်မတီ ဥက္ကဋ္ဌ ဦးဇော်ဝင်းလှိုင် က ညှိနှိုင်းဆောင်ရွက်ပေးခဲ့ကြောင်း သိရသည်။
သတင်း - ဟန်စုယဉ်
မြန်မာနေရှင်နယ်ပို့စ်
No comments:
Post a Comment